Jelemíi

É ná ɖí bú ayǐkúngban ɔ kpó nǔ e ɖ’é jí lɛ́ é bǐ kpó,

ɛɛn, toxo ɔ kpó mɛ e nɔ nɔ mɛ lɛ́ é kpó.

Súnnu lɛ́ ná sú xó,

bɔ mɛ e nɔ nɔ to ɔ mɛ lɛ́ é bǐ ná dó gbɛvíhan.

 3 Ényí kɛntɔ́ ɔ sín sɔ́ lɛ́ ɖo hwɛ̌ sɛ́ kɔ́mɛ wɛ,

bónú ahwankɛkɛ́ tɔn lɛ́ ɖo nǔ ɖɔ wɛ,

lobonú kɛkɛ́ví tɔn lɛ́ sín afɔ ɖo nǔ ɖɔ wɛ ɔ,

tɔ́ lɛ́ tlɛ ná kpɔ́n vǐ yětɔn lɛ́ sín jɛ jí ǎ,

ɖó alɔ yětɔn kú yɛ,

 4 ɖó ɖo azǎn e jawě é gbe ɔ, è ná sú kún dó nú Filisitɛ́ɛn lɛ́ bǐ;

è ná sú kún dó nú mɛ e kpo bo nɔ d’alɔ Tíi kpó Sidɔ́ɔn kpó lɛ́ é bǐ.

Ðó Jexóva ná sú kún dó nú Filisitɛ́ɛn lɛ́,

ɛɛn, yě mɛ e kpo bo gosín tɔtɛ́ntinto Kafutɔ́ɔ* tɔn mɛ lɛ́ é.

Mi mɛ e kpo ɖo ayǐkúngban wɛnjɛ yětɔn jí lɛ́ é mi,

káká jɛ hwetɛ́nu mi ka ná já wǔtu nú miɖée yi jɛ?

 7 Jexóva wɛ ɖe gbe n’i,

bɔ é ná cí xwíí wɛ a?

É sɛ́ ɛ dó bónú é ná tɔ́n ahwan

Acikelɔ́ni kpó fí e ɖo xutó é kpó.”