Jelemíi

45 Xó e gbeyíɖɔ Jelemíi ɖɔ nú Balúki Nɛlíya ví ɔ, hwenu e é wlán xó e Jelemíi ɖɔ lɛ́ é dó wěma mɛ, ɖo axɔ́súɖuɖu Judáa xɔ́sú Yexoyakímu Joziyási ví ɔ tɔn sín xwe ɛnɛgɔ́ ɔ mɛ é ɖíe:

2 “Balúki è, nǔ e Jexóva, Mawu Izlayɛ́li tɔn ɖɔ dó wǔ we é ɖíe: 3 ‘A ɖɔ: “Heelú mì, ɖó Jexóva gɔ́ aluwɛ nú wǔvɛ́ ce. Azɔnwinwɛn ci kɔ nú mì, un mɔ gbɔjɛtɛn ɖě ǎ.”’

4 “A ná ɖɔ n’i ɖɔ: ‘Nǔ e Jexóva ɖɔ é ɖíe: “Un ɖo nǔ e un gbá é mu wɛ, bo ɖo ɖɔ hɔn nú nǔ e un tun é wɛ ɖo to ɔ blěbú mɛ. 5 Amɔ̌, a ɖo nǔ ɖaxó lɛ́ ba* wɛ. Ma sɔ́ ba nǔ mɔ̌hun lɛ́ ɖě ó.”’

“‘Ðó un ɖo awě ná sɔ́ dó xo gbɛtɔ́* lɛ́ bǐ wɛ,’ wɛ Jexóva ɖɔ, ‘bɔ nú a ná bo yi fí ɖěbǔ ɔ, un ná hwlɛ́n gbɛ* towe gán dó d’ajɔ we.’”*