Jelemíi

38 Din ɔ, Cefatíya Matáni ví ɔ, Gedalíya Pacewúu ví ɔ, Yukálu Cɛlɛmíya ví ɔ kpó Pacewúu Malukíya ví ɔ kpó se xó élɔ́ lɛ́ e ɖɔ nú togun ɔ bǐ wɛ Jelemíi ɖe é: 2 “Nǔ e Jexóva ɖɔ é ɖíe: ‘Mɛ e kpo ɖo toxo élɔ́ mɛ lɛ́ é ɔ, hwǐ, adɔ, alǒ jɛmɛjí* ná hu yě. Amɔ̌, mɛ e ná jó ta nú Kaludéenu lɛ́ é* ná nɔ gbɛ, é ná hwlɛ́n gbɛ* éɖée tɔn gán.’* 3 Nǔ e Jexóva ɖɔ é ɖíe: ‘È ná jó toxo élɔ́ nú Babilɔ́nu xɔ́sú ɔ sín ahwankpá, bɔ é ná yí jɛ́n wɛ.’”

4 Axɔ́ví lɛ́ ɖɔ nú axɔ́sú ɔ ɖɔ: “Kɛnklɛ́n, è ní hu nya élɔ́, ɖó gbɔn xó mɔ̌hun lɛ́ ɖiɖɔ gblamɛ ɔ, é nɔ dó awakanmɛkú nú sɔ́ja e è jó dó nyi toxo élɔ́ mɛ lɛ́ é kpó togun ɔ bǐ kpó. Ðó nya élɔ́ ɖo fífá ba nú togun élɔ́ wɛ ǎ, loɔ, awě ní xo yě ba wɛ é ɖe.” 5 Axɔ́sú Sedesiyási ɖɔ: “Éɖíe, é ɖo alɔ mitɔn mɛ, ɖó axɔ́sú ɔ sixú wa nǔtí dó ɖó mi te ǎ.”

6 Énɛ́ ɔ, yě sɔ́ Jelemíi, bo sɔ́ ɛ dó axɔ́sú ɔ sín vǐ Malukíya sín sitɛ́nu mɛ, sitɛ́nu énɛ́ ɖo Sɔ́ja e nɔ cɔ́ axɔ́sú ɔ lɛ́ é sín kɔ́xota. Kan wɛ yě zán bo sɔ́ ɛ d’é mɛ. Sin ɖěbǔ ɖo sitɛ́nu ɔ mɛ ǎ, babá kɛ́ɖɛ́ wɛ ɖ’é mɛ, bɔ Jelemíi jɛ bɔ̌ yi jí.

7 Ebɛ́di-Mɛlɛ́ki, Etiopíinu, éé nyí agooɖojǐe* ɖo axɔ́sú ɔ sín xwégbe* é se ɖɔ è zé Jelemíi dó sitɛ́nu mɛ. Axɔ́sú ɔ ka ɖo ayǐjínjɔ́n ɖo Bɛnjamɛ́ɛ hɔntogbó ɔ ta. 8 Énɛ́ ɔ, Ebɛ́di-Mɛlɛ́ki tɔ́n sín axɔ́sú ɔ xwé, bo yi ɖɔ nú axɔ́sú ɔ ɖɔ: 9 “Aklúnɔ ce axɔ́sú è, nǔ e súnnu énɛ́ lɛ́ wa nú gbeyíɖɔ Jelemíi é nylá! Yě sɔ́ ɛ dó sitɛ́nu mɛ, bɔ é ná kú adɔ jɛ fínɛ́, ɖó nǔɖuɖu ɖě sɔ́ kpo ɖo toxo ɔ mɛ ǎ.”

10 Énɛ́ ɔ, axɔ́sú ɔ ɖe gbe nú Ebɛ́di-Mɛlɛ́ki, Etiopíinu ɔ ɖɔ: “Kplá súnnu 30 dó hwiɖée jí sín fí, bónú mi ɖe gbeyíɖɔ Jelemíi tɔ́n sín sitɛ́nu ɔ mɛ, bónú é ma kú ó.” 11 Énɛ́ ɔ, Ebɛ́di-Mɛlɛ́ki kplá súnnu lɛ́ dó éɖée jí, bɔ yě yi axɔ́sú ɔ sín xwégbe,* bo yi fí ɖé ɖo dɔkunsɛxwetɛn ɔ glɔ́, yě dó kan avɔ xóxó ɖé lɛ́ kpó nǔkíja ɖé lɛ́ kpó, bo sɛ́ dó Jelemíi ɖo sitɛ́nu ɔ mɛ. 12 Bɔ Ebɛ́di-Mɛlɛ́ki, Etiopíinu ɔ ɖɔ nú Jelemíi ɖɔ: “Kɛnklɛ́n fɔ avɔ lɛ́ kpó nǔkíja lɛ́ kpó dó awǎda towe lɛ́ mɛ, bo hɛn kan lɛ́ gbɔn jí.” Jelemíi wa mɔ̌. 13 Bɔ yě zán kan lɛ́, bo dɔn Jelemíi, bo ɖe è tɔ́n sín sitɛ́nu ɔ mɛ. Bɔ Jelemíi cí Sɔ́ja e nɔ cɔ́ axɔ́sú ɔ lɛ́ é sín kɔ́xota.

14 Axɔ́sú Sedesiyási sɛ́ wɛn dó gbeyíɖɔ Jelemíi ɖɔ é ní wá gɔ̌n émítɔn ɖo hɔnli atɔngɔ́ e ɖo xwé Jexóva tɔn wú é nu, bɔ axɔ́sú ɔ ɖɔ nú Jelemíi ɖɔ: “Un jló ná kan nǔɖé byɔ́ we, ma hwlá nǔɖé dó mì ó.” 15 Énɛ́ ɔ, Jelemíi ɖɔ nú Sedesiyási ɖɔ: “Ényí un ɖɔ nú we ɔ, a ná hu mì jɛ́n wɛ. Ényí un ɖe wě xá we ɔ, a ná ɖótó mì ǎ.” 16 Énɛ́ ɔ, axɔ́sú Sedesiyási xwlé nǔ nú Jelemíi ɖo nǔglɔ́, bo ɖɔ: “Jexóva mɛ e ná mǐ gbɛ é ɖo gbɛ jɛ́n wɛ ɔ, un ná hu we ǎ, un ka ná jó we dó nyi alɔ mɛ nú mɛ énɛ́ lɛ́ e ɖo biba ná hu we wɛ* lɛ́ é ǎ.”

17 Énɛ́ ɔ, Jelemíi ɖɔ nú Sedesiyási ɖɔ: “Nǔ e Jexóva, Mawu ahwankpá lɛ́ tɔn, Mawu Izlayɛ́li tɔn ɖɔ é ɖíe: ‘Ényí a jó ta nú Babilɔ́nu xɔ́sú ɔ sín axɔ́ví lɛ́* ɔ, è ná hwlɛ́n gbɛ towe gán,* bɔ toxo élɔ́ ɔ, è ná sɔ́ myɔ dó fyɔ́ ǎ, lobɔ è ná hwlɛ́n hwi kpó xwédo towe kpó gán. 18 Amɔ̌, ényí a ma jó ta nú Babilɔ́nu xɔ́sú ɔ sín axɔ́ví lɛ́* ǎ ɔ, è ná jó toxo élɔ́ dó nyi alɔ mɛ nú Kaludéenu lɛ́, bɔ yě ná sɔ́ myɔ dó fyɔ́ ɛ, lobɔ a ná sún gló yě ǎ.’”

Yě bló bɔ afɔ towe yi bɔ̌.

Din ɔ, yě dó gǔdofɔ.’

23 Bɔ è ná kplá asi towe lɛ́ kpó vǐ towe lɛ́ kpó bǐ wá nú Kaludéenu lɛ́, a ná sún gló yě ǎ, loɔ, Babilɔ́nu xɔ́sú ɔ ná wlí we, lobɔ é ná sín wǔ we, bɔ è ná sɔ́ myɔ dó fyɔ́ toxo élɔ́.”

24 Énɛ́ gúdo ɔ, Sedesiyási ɖɔ nú Jelemíi ɖɔ: “Ma nú mɛ ɖěbǔ ní se xó énɛ́ lɛ́ ó, énɛ́ ɔ, a ná kú ǎ. 25 Ényí axɔ́ví lɛ́ se ɖɔ un ɖɔ xó xá we, bo wá, lobo ɖɔ nú we ɖɔ: ‘Kɛnklɛ́n, ɖɔ nǔ e a ɖɔ nú axɔ́sú ɔ lɛ́ é nú mǐ. Ma hwlá nǔɖé dó mǐ ó, énɛ́ ɔ, mǐ ná hu we ǎ. Étɛ́ axɔ́sú ɔ ka ɖɔ nú we?’ ɔ, 26 a ɖó ná ɖɔ nú yě ɖɔ: ‘Byɔ̌ wɛ un byɔ́ axɔ́sú ɔ ɖɔ é ní ma lɛ́ kɔ nú mì yi Yexonatáni xwégbe, bónú ma kú ɖo dɔ̌n ó.’”

27 Hwenu ɖé gúdo ɔ, axɔ́ví lɛ́ bǐ wá Jelemíi gɔ́n, bo kan nǔ byɔ́ ɛ. É ɖɔ nǔ e axɔ́sú ɔ ɖe gbe n’i ɖɔ é ní ɖɔ lɛ́ é bǐ nú yě. Énɛ́ ɔ, yě sɔ́ ɖɔ nǔtí n’i ǎ, ɖó mɛ ɖěbǔ se xó e é kpó axɔ́sú ɔ kpó ɖɔ é ǎ. 28 Káká jɛ gbe e gbe è yí Jeluzalɛ́mu é ɔ, Jelemíi nɔ nɔ Sɔ́ja e nɔ cɔ́ axɔ́sú ɔ lɛ́ é sín kɔ́xota; é kpo ɖo fínɛ́ hwenu e è yí Jeluzalɛ́mu é.