I ti refize get deryer

SARA ti marye avek Abraam, sa enn ki i ti kontan. Zot ti reste Our dan pei Sinar, en lavil byen vivan ki ti ganny proteze avek bann miray e ki ti o bor sa gran Larivyer Efrat. Bann dimoun dan sa lavil ti ador en kantite zidol me Abraam ti diferan. I ti ador sa sel vre Bondye, Zeova. Sara osi ti annan lafwa dan sa vre Bondye. Me en zour, lafwa ek kouraz Sara ti ganny teste dan en lot fason.

Abraam ti dir Sara ki Zeova ti’n koz avek li. I bezwen ki Sara ti vreman kontan. Me sa mesaz pa ti enn ki ti fasil pour aksepte. Abraam ek Sara ti bezwen kit zot lakour ek fanmir dan lavil Our e al dan en pei byen lwen. Zot ti pou bezwen vwayaz dan karavann e reste dan bann latant. Zot ti pou nepli viv dan sa gran lavil ki ti ganny proteze avek bann miray ek solda. Zot ti pou nepli viv dan en lakaz oubyen annan en zoli lari oubyen delo tiyo ek lezot keksoz ki ti fer zot lavi fasil e konfortab dan sa lavil. I ti pou napa en bazar pour al aste manze parey dan lavil Our! I ti annan en kantite keksoz ki ti pou fer lavi pli difisil. Kantmenm sa, Sara ti aksepte. I ti annan lafwa dan Zeova, alor i ti anmas son keksoz, dir orevwar son fanmir ek zanmi e ansanm avek Abraam zot ti kit lavil Our pour al dan en pei ki zot pa ti konnen.

Sara ti montre kouraz dan en lot fason. Zapot Pol ti ekri sa lo li ek son msye: “Si zot ti’n kontinyen mazin sa landrwa ki zot ti’n kit deryer, zot ti pou’n kapab ganny en loportinite pour retourn laba.” (Ebr. 11:15) Sara ti’n kapab mazinen ki mannyer i ti pou gou si i ti kot son lakour dan lavil Our kot i ti an sekirite e vreman konfortab. Me avek kouraz, i ti refize pour get deryer.

Ler zot ti finalman ariv dan pei Kanaan, Sara ti realize ki i ti napa en gran larivyer parey Larivyer Efrat kot bann marsan ti kapab ale vini avek zot bann marsandiz. Alor, ler i ti annan en lafanmin Kanaan, zot ti napa bokou swa me zot ti bezwen sanz landrwa. Menm si sa ti vreman difisil, Sara pa ti servi sa konman en leskiz pour met presyon lo son msye pour ki zot retourn dan lavil Our dan les. Me i ti pare pour li al avek Abraam dan sid setadir Lezip.

Vi ki Sara ti vreman en zoli madanm, Abraam ti per pangar en dimoun i touy li e pran li. Alor Sara ti bezwen fer krwar ki i ti zis ser Abraam. Me sa pa ti ede ler Faraon ti tande ki Sara ti vreman en zoli madanm. I ti donn lord pour pran Sara e anmenn li kot son pale. Lavi dan en pale ti’n kapab paret pli an sekirite, pli konfortab olye ale vini dan latant. Me eski Sara ti swazir pour li kit Abraam e viv en lavi pli konfortab avek Faraon? Non. I ti demontre kouraz e reste fidel avek son msye. Alor Zeova ti sov li! I pa ti tarde pour retourn kot son msye ki i ti byen kontan.a

Zeova ti’n promet ki atraver Abraam i ti pou annan en gran nasyon. Me Sara pa ti kapab ganny zanfan. Sa ti vreman difisil pour li. Me apre plizyer lannen Kanaan, Zeova ti rekonpans Sara. Menm si i ti annan 90 an, Zeova ti beni li par satisfer son pli gran dezir. I ti ganny en garson! Zeova ti demann zot pour apel sa garson Izaak akoz sa non i vedir “Riye.” Abraam ek Sara ti’n riye avek lakontantman ler zot ti konnen ki zot ti pou ganny en garson e Sara ti asire ki dimoun ti pou riy avek li ler zot ti pou tande ki Zeova ti’n fer mirak pour li.

Sara ti viv ase lontan pour elve son zanfan e vwar li grandi pour vin en bon garson. Konman en manman i ti annan kouraz pour protez li. Ziska lafen son lavi, i ti refize pour mazin sa lavi konfortab ki i ti’n kit deryer. I ti get devan e esper en pli meyer lavenir. En lavenir ki Sara ek son fanmir pa ti ganny sans vwar e ki tre byento zot pou vwar li arive !

Lir sa resi dan Labib:

• Zenez 12:1-20; 15:18; 16:1, 2; 17:3-8, 15-19; 18:9-15; 20:1-17; 21:1-13

• Akt 7:1-7

Pour diskit lo la:

Ki mannyer Sara ti demontre kouraz?

Al pli o profon

1. 1. Eski i ti mal pour Sara marye avek Abraam menm si i ti son demi frer? (wp17.3 12 ¶5, not anba lo paz)

   Ou larepons

2. 2. Dekrir sa ki petet Sara ti kit deryer ler i ti kit lavil Our. (wp17.3 13 ¶3–14 ¶2) A

   Ou larepons

   

   Photograph taken by courtesy of the British Museum

3. 3. Kwa ki montre ki Abraam ti saz ler i ti dir serten dimoun ki Sara i son ser? (wp17.3 14 ¶6–15 ¶2)

   Ou larepons

4. 4. Menm si Sara ti soumet avek Abraam, eski sa i vedir ki i pa ti zanmen dir ki i panse? Eksplike. (g-E 1/08 29 ¶4-5) B

   Ou larepons

   

Reflesir lo sa bann leson

• Konpar Sara ek madanm Lot.

  • Dan ki fason zot ti parey? (Zen. 12:1; 13:5-7; 19:12, 15)

    Ou larepons

  • Dan ki fason zot ti diferan? (Zen. 19:17, 26; Lik 17:28-32)

    Ou larepons

  • Ki nou kapab aprann atraver desizyon ki zot ti fer e sa ki ti arive avek zot?

    Ou larepons

• Sara ti vreman zoli e son msye ti ris. Ki legzanp i’n kite pour nou si parey li nou osi nou zoli oubyen ris? (Prov. 31:30; 1 Tim. 6:17-19)

  Ou larepons

• Ki mannyer ou kapab imit kouraz Sara dan ou lavi? C

  Ou larepons

  

Reflesir lo Zeova ek son plan

• Ki sa resi i ansenny mwan lo Zeova?

  Ou larepons

• Ki mannyer sa resi i relye avek plan Zeova?

  Ou larepons

• Ki mon ti pou kontan demann Sara ler i resisite?

  Ou larepons

Aprann plis

Eski Sara in kit en legzanp zis pour bann madanm? Oubyen eski bann msye osi i kapab aprann avek son legzanp?

Aprann avek zot—Sara (6:27)

Gete ki Sara ek Abraam ti fer pour montre ki zot respekte kanmarad.

“Kontinyen gard sa ‘laflanm sorti kot Ya’ brile” (w23.05 24-25 ¶15-17)