An ka fara Jehowa n’a Denkɛ kan nisɔndiya la
San ko bɛɛ la fisama bɛna kɛ Marisikalo tile 28
1 San 2002 Marisikalo tile 28, n’an yera Matigi ka surɔfana ɲɛnajɛ kɛnɛ kan, tile binnen kɔ, an n’a jira ko kelenya bɛ anw ni Jehowa ni Yesu cɛ nisɔndiya la. Bi bi in na, Masaya ciyɛntabaga dɔw bɛ dugukolo kan hali bi, dɔw taara san fɛ kaban. O donba in na, Masaya ciyɛntabaga minnu bɛ dugukolo kan, olu bɛna nisɔndiya kosɛbɛ “jɛɲɔgɔnya” kɛrɛnkɛrɛnnen ko la, “jɛɲɔgɔnya” min bɛ u ni Masaya ciyɛntabaga tɔw, ani Fa n’a Denkɛ cɛ. (1 Yuh. 1:3; Efɛ. 1:11, 12) O “saga wɛrɛw” hakɛ ye miliyɔn caman ye. Bonyaba min bɛ “saga wɛrɛw” bolo, ka jɛ kelenya la ni Jehowa ni a Denkɛ ye, ka baara kɛ u ye ni dusukun kelen, ani hakili kelen ye, olu na taasi o bonyaba kan kosɛbɛ. — Yuh 10:16.
2 An ka jɛ ka kɛ kelen ye ka baara kɛ ɲɔgɔn fɛ: kelenya kɛra Jehowa ni Yesu cɛ, nisɔndiya la, tuma bɛɛ. Kelenya kɔnɔ, u ye baara kɛ ɲɔgɔn fɛ waati damadɔnbali kɔnɔ sanni mɔgɔ ka da. (Mi. 5:2) Kanuya tin bonyana u ni ɲɔgɔn cɛ. K’a to ɲɛnamaya la sankolo la, sanni a ka na dugukolo kan, Ala Denkɛ bangelen fɔlɔ kofɔlen bɛ iko Hakilitigiya min kɛra i n’a fɔ mɔgɔ. K’a sɔrɔ a b’o cogo la, a sera k’a fɔ ko: “Ne kɛra a diyanyeko ye don o don, ne ɲagalila a ɲɛkɔrɔ tuma bɛɛ.” (Nt. 8:30) Ka sigi jɛɲɔgɔnya la ni Kanuya boyi ye, ka waati damadɔnbali kɛ o sigi kɔnɔ, siga t’a la k’o ye nɔba bila Ala Denkɛ la.— 1 Yuh. 4:8.
3 Jehowa tun b’a dɔn ko hadamadenw tɛ ɲɛ kunmabɔli kɔ. Hadamadenw tun ye Yesu diyanyeko ye, Jehowa ye ale de sugandi walasa a ka kɛ kunmabɔli saraka ye hadamadenw ye. O kunmabɔli saraka de ye an jigiya bɛɛ ye. (Nt. 8:31) Jehowa n’a Denkɛ ye kelen ye cogo min na, ka kuntilenna kelen tiimɛ, an fana bɛ to jɛ la u fɛ o cogo kelen na, anw ni olu, ani anw ni ɲɔgɔn cɛ, kanuya la, walasa ka Ala sago kɛ nisɔndiya la.
4 An ka an ka waleɲumandɔn jira: N’an yera Hakilijigin don kɛnɛ kan, wa n’an ye lamɛnni kɛ koɲuman ni bonya ye, an na se ka an ka waleɲumandɔn lakika jira Jehowa ka kanuya ko la, ani a Denkɛ ka saraka ko la, ka ɲɛsin an ma. Sinsin bɛna kɛ min ni min kan, o ye : Yesu ka misali ɲuman, a ka kantigiya fo ka se saya ma walasa ka kɛ kunmabɔli sara ye, a ka kuntigiya iko Ala ka Masaya sigilen Masakɛ, ani o Masaya bɛna dugawu minnu lase hadamadenw ma. U bɛna an hakili jigi a la fana ko an ka kan ka limaniya dankɛnɛmaya tuma bɛɛ, ka an cɛsiri ka baara kɛ ka kɛɲɛ ni Jehowa sago ye, i n’a fɔ a “baarakɛɲɔgɔnw tiɲɛ kan.” —3 Yuh. 8; Yak. 2:17.
5 Mɔgɔ wɛrɛw dɛmɛ u ka na, ka fara an kan: Maakɔrɔw ka kan ka u cɛsiri kɛrɛnkɛrɛnnenya la, walasa walekɛbali minnu bɛ foro wajulikɛyɔrɔ la, olu bɛɛ dusu ka lamin, u ka ye Krista ka saya Hakilijigin don kɛnɛ kan. (Mat. 18:12, 13) I ka kan ka taa bɔ mɔgɔ minnu ye, i ka olu tɔgɔ sɛbɛn walasa i kana ɲinɛ u si kɔ. Mɔgɔ ka kan ka taa bɔ u kelen-kelen bɛɛ ye, ka u kelen-kelen bɛɛ wele ka na Hakilijigin don kɛnɛ kan.
6 Yali i bɛ mɔgɔ wɛrɛw dɔn minnu bɛ se ka na Hakilijigin don kɛnɛ kan wa? I ka a bɔ i yɛrɛ la, k’a jira u la, cogo min na dɔ bɛ se ka fara u ka waleɲumandɔn kan, ka ɲɛsin donba in ma. I k’u wele ni dusumandiya ye. A jira u la k’u nali bɛ diya an bɛɛ ye. An ka an seko damajira kɛ walasa ka Bibulu kalandenw wele, ani mɔgɔ minnu y’a jira ko Bibulu kɔnɔ kuma ka di u ye, ani an ka dukɔnɔmɔgɔw ni an dɔnbagaw, an ka olu bɛɛ wele u ka na san ko bɛɛ la fisaman kɛyɔrɔ la. Mɔgɔ o mɔgɔ ye ‘Krista Yesu dɔnniya sɔngɔ gɛlɛnba’ sɔrɔ, kunmabɔli sara nafa bɛ olu bɛɛ ye. (Fil. 3:8) Mɔgɔ minnu bɛ dannaya kɛ Krista ka saraka la, olu bɛ se ka ɲɛnamaya banbali jigiya sinsinnen sɔrɔ.— Yuh 3:16.
7 Hakilijigin don bɛ se ka nɔ min bila mɔgɔ kɔnɔnajɛlenw na, an kana jɔn o la abada. A san fila ɲɔgɔn filɛ nin ye, Papuyasi Nuwɛl Gine jamana kan, magojirabaga 11 tun ye jikankurun dɔ ta ka lɛrɛ 17 kɛ kɔgɔji kurubaw walankatalenw kan, walasa ka Hakilijigin kɛnɛ yɔrɔ sɔrɔ. Mun na? U ko: “An tun b’a fɛ ka Krista ka Hakilijigin don kɛ ni Jehowa batobagaw ye. Anw bolo, nin taama tun kɛkun bɛ.” An ka miiri bani o magojirabagaw ka kisɛya ni u ka waleɲumandɔn na. U y’a jira ko a ka di u ye kosɛbɛ, ka jɛ kelenya la ni Jehowa n’a Denkɛ ye ani ni Krecɛn balimaw bɛɛ lajɛlen ye, nisɔndiya la.
8 I ka Bibulu kalan kofɔ magojirabagaw bɛɛ ye. I ka dusu don u kɔnɔ u ka na jɛkulu lajɛw la, wa, u bɛ tiɲɛ kuma minnu kalan, u k’olu fɔ mɔgɔ wɛrɛw ye. U dɛmɛ u ka ‘taama yeelen na’, ka ‘taama tiɲɛ kan.’ U na se o la, ni u bɛ Bibulu sariyakolow sirataama u ka ɲɛnamaya kɔnɔ. (1 Yuh. 1:6, 7) I k’u dɛmɛ u ka teriyasira sɛbɛ don u ni Jehowa cɛ. Bonya min b’u ye ka Ala sago kɛ ka t’a fɛ, u dɛmɛ ka Ala koɲuman dɔn o la.
9 Ka jɛ ka kɛ ‘hakili kelen’ ye, ani ka kɛ mɔgɔ kelen ye nisɔndiya la , ka baara kɛ ɲɔgɔn fɛ kibaru duman dannaya kosɔn, o ye bonyaba ye dɛ! (Fil. 1:27, 28) An ka an hakili to an ka jɛɲɔgɔnya duman na Marisikalo tile 28 Hakilijigin don na, ka Jehowa ni a Denkɛ waleɲumandɔn fo abada.— Luk. 22:19.