Baara ka Lajɛ Bolodasira

Marisikalo tile 11 dɔgɔkun

Dɔnkili 2

Sanga 13: Ladɔnniyaliw ka ɲɛsin sigida ma. Ladɔnniyali latɔmɔnenw ka bɔ An ka Masaya Cidenyabaara kɔnɔ. “Kumajiracogo fila labɛn sɔn-ni-sɔn gafenin kuraw jiracogo kan. I sinsin hakililaw kan minnu bɛ An ka Masaya Cidenyabaara in kɔnɔ, n’a bɛ sɔn-ni-sɔn gafeninw jiracogo kan, walima kalo tɛmɛnnen dɔ ta kan. Ni fɛn dɔ fɔra walasa ka kuma jɔ, i n’a fɔ “A man di ne ye,” o bɛ se ka jaabi cogo min na, i ka o jira kumajiracogo kelen-kelen bɛɛ la.​—⁠ Comment raisonner gafe ɲɛ 16 lajɛ.

Sanga 12: An ka to Krecɛnw ye minnu da-tɛ-ko-la. Maakɔrɔ min bɛ se kosɛbɛ, o bɛ o jɛmu kɛ. Fasolafasa jɛnsɛnnen bɛ yɔrɔ bɛɛ la, lakɔli la, baarakɛyɔrɔ la, ani kindaw la. Mɔgɔ minnu b’a fɛ ka o ko taaɲɛ, olu caman bɛ fasolafasa kɛ u ka cogo ye walasa kɔnɔgankow ni dusukasiko minnu bɛ jamana kan, olu ka se ka kunnasagon. Hali n’an fana dusukasilen don katuguni an ɲɛ b’a la fɛn minnu bɛ ka kɛ diɲɛ kɔnɔ, o n’a ta o ta, ko min bɛ an kelen-kelen bɛɛ kun kan, n’o ye diɲɛ bɛɛ kunna kuntigiya ko ye, an bɛ o faamu, wa an bɛ dususaalo sɔrɔ Masaya cikan na. N’an b’a ɲɛfɔ mɔgɔw ye ni bonya ye, kun min na an t’an sen don fasolafasakow la, an ka kan ka ɲɛfɔ u ye fana, an ye dususaalo ni jigiya minnu sɔrɔ Ala ka Kuma kɔnɔ. Les Témoins de Jéhovah et l’instruction gafenin ɲɛw 20-4 na, “le salut au drapeau” (Darapo foli) yɔrɔ la, gafenin b’a ɲɛfɔ kun min na an t’an sen don faso ka ɲɛnajɛkow la. I ka baro kɛ a yɔrɔ kolomaw kan, ka dusu don bangebagaw kɔnɔ u ka baro kɛ o kan ni u denw ye ɲɛmajɔ la. Ko kɛlen minnu bɛ gafenin ɲɛ 20 na, ani san 1996 Zanwuyekalo tile 8 Réveillez-vous! ɲɛ 31 na, i k’olu fɔ. I sinsin a kan ko a nafa ka bon ka Jehowa kelenpe dɔrɔn bato, ani ka bonya da faamaw ka kuntigiya kan.

Sanga 20:  “Kɛwale ɲuman caman kɛ.”a O bɛ kɛ baara lakɔlɔsibaga fɛ. Dusu don bɛɛ kɔnɔ u ka u ta kɛ k’a dafa cidenyabaara la walasa ka Hakilijigin labatoli ko labɛn, n’o bɛna kɛ Marisikalo tile 28. Baara ɲɛnama bɛ se ka kɛ ni welesɛbɛnw ye cogo min na, baro kɛ o kan. A ɲini weleweledalaw fɛ u k’a fɔ u sera cogo min na k’u balimaw, u sigiɲɔgɔnw, Bibulu kalandenw, ani magojirabagaw lana Hakilijigin na salon. O nana ni nisɔndiya min ye, u ka o fana fɔ. Mɔgɔ minnu bɛ se ka kɛ tutigɛbaga farankanw ye Awirilikalo la, dusu don u bɛɛ kɔnɔ u ka sɛbɛn lafa lajɛ bannen kɔfɛ.

Dɔnkili 82 ani kuncɛli delili.

Marisikalo tile 18 nan dɔgɔkun

Dɔnkili 7

Sanga 10: Ladɔnniyaliw ka ɲɛsin sigida ma. Jatew dantigɛliw. “Fɛn minnu ka kan ka to an hakili la ka Hakilijigin don ɲɛsigi,” baro kɛ o kan. Bibulu tɛmɛsira minnu bolodala ka kalan Hakilijigin kama, olu jiralen bɛ San 2002 Examinons les Écritures chaque jour gafenin kɔnɔ. Dusu don bɛɛ kɔnɔ u ka tugu o la. O tɛmɛsiraw ka kan ka kalan Marisikalo tile 23 ka na a tile 28 la.

Sanga 15:  “An ka fara Jehowa n’a Denkɛ kan nisɔndiya la.” Maakɔrɔ b’a sinsin Bibulu kan ka jɛmu kɛ min bɛ mɔgɔw bila kɛwale la. Dusu don bɛɛ kɔnɔ u k’u cɛsiri ka mɔgɔ caman wele u ka na Hakilijigin na an fɛ. Bɛɛ ka o daminɛ kabini sisan fo ka ta bila Marisikalo tile 28 la.

Sanga 20:  Ɲɛmɔgɔ Kulu ka bataki. Maakɔrɔ min bɛ se kosɛbɛ, o bɛ o jɛmu kɛ, ani baro bɛ kɛ fana ni lamɛnbagaw ye.

Dɔnkili 45 ani kuncɛli delili.

Marisikalo tile 25 nan dɔgɔkun

Dɔnkili 12

 Sanga14: Ladɔnniyaliw ka ɲɛsin sigida ma. A jira ko a tuma ma tɛmɛ ka sɛbɛn lafa walasa ka kɛ tutigɛbaga farankan ye Awirilikalo la. I sinsin hakililaw kan minnu bɛ An ka Masaya Cidenyabaara in kɔnɔ, n’a bɛ sɔn-ni-sɔn gafenin jiracogo kan, walima kalo tɛmɛnnen dɔ ta kan.

Sanga 15: Sigida magow.

Sanga 16: Baara kɛ ni Comment raisonner ye walasa ka lamɛnbagaw dusu lamin. Baro bɛ kɛ ni lamɛnbagaw ye. An kelen-kelen bɛɛ mago bɛ dusulamin na tuma ni tuma. O la sa, an bɛɛ ka kan ka a dɔn ko mɔgɔ wɛrɛw mago bɛ ‘dususaalo kuma’ na. An bɛ mɔgɔ dusukasilen minnu sɔrɔ cidenyabaara la, olu sen bɛ o mɔgɔw la. (1 Tes. 5:​14, NW) Ko caman ɲɛfɔlen bɛ Comment raisonner gafe ɲɛw 117-21 na. I ka baara kɛ n’o ye ka lamɛnbagaw ɲininka u k’a fɔ u ye baara kɛ ni Bibulu tɛmɛsira jumɛn ye walasa ka dusu don mɔgɔ dɔ kɔnɔ min tun bɛ o gɛlɛya dɔ la kelen kɔnɔ. A jira ko an kelen-kelen bɛɛ bɛ se k’a ɲini ka dusu don mɔgɔ dɔ kɔnɔ ni o ka kan tuma o tuma.— Gal. 6:10.

Dɔnkili 131 ani kuncɛli delili.

Awirilikalo tile fɔlɔ dɔgɔkun

Dɔnkili 27

Sanga 7: Ladɔnniyaliw ka ɲɛsin sigida ma. Weleweledalaw hakili jigin u k’u ka Marisikalo foro baara dantigɛliw sɛbɛn di.

Sanga 18:  “Cɛ dilenw labɛnnen don ka Ala ka jamakulu ladon.” Lakɔlɔsibaga ɲɛmɔgɔ walima baara lakɔlɔsibaga bɛ jɛmu kɛ barokun kan min bɛ farankan kɔnɔ. Bibulu tɛmɛsira minnu kofɔlen bɛ, baro bɛ kɛ olu kan. Maakɔrɔw bɛ walekɛbaliw ladon cogo min na, ani u bɛ lujuratɔw dɛmɛ cogo min na u k’u seko kɛ, o kow bɛ se ka nɔ ɲumanw bila, wa u ye nɔ ɲumanw bila. I ka dusulaminko kɛlen dɔw fɔ. Bagangɛnna ɲumanw bɛ o baara minnu kɛ jɛkulu ye walasa a ka to wale kɛ la Jehowa ka baara la, o ko ka bon kosɛbɛ an bolo.

Sanga 20: “Dɔ fara i ka nisɔndiya kan wajuli la.”b Ni baro bɛ kɛ dakun duurunan kan tuma min na, i k’a ɲini lamɛnbagaw fɛ u k’a fɔ hakilila minnu nafa ka bon sigida wajulikɛyɔrɔ la. Weleweledala bɛ se ka kuma mɔgɔ dɔ fɛ cogo min na walasa ka seereya surun dɔ kɛ a ye, kumajiracogo kelen, walima fila kɛ o kan. Dusu don bɛɛ kɔnɔ, u ka ɲini cogo bɛɛ la ka seereya kɛ nin dɔgɔkun in na.

Dɔnkili 15 ani kuncɛli delili.

[Footnotes]