An ka kan ka taa bɔ mɔgɔw ye siɲɛ caman
1 Siɲɛ fɔlɔ min na mɔgɔ dɔ kumana i fɛ kibaru duman ko la, yali i sɔnna wa? N’a ma kɛ ten, i ka kan ka kɛ ɲumandɔnbaga ye ko Jehowa Seerew taara bɔ i ye siɲɛ caman fo i labanna ka sɔn Bibulu kalan na, o min tun kɔfɔra i ye. A ka ɲi I ka miiri o la tuma min na i bɛ baara kɛ siɲɛ caman na i ka danyɔrɔ la, danyɔrɔ min dira i ma.
2 Mɔgɔw ka hadamadenya kɛcogo bɛ yɛlɛma tuma bɛɛ. U ni kunkow walima u ni ko kuraw bɛ ɲɔgɔn na. U bɛ kɔnɔnafili kow mɛn u sigida mɔgɔw walima diɲɛ ko la, ka wariko gɛlɛyaw, banaw walima saya dɔn u ka denbaya kɔnɔ. O fɛnw sugu bɛ se ka kɛ sababu ye u k’a kanu k’o ɲankata ninnu kɔrɔ dɔn. Fɛn minnu bɛ mɔgɔw hakili la, n’u kɛlen bɛ k’u kɔnɔgan, an ka kan k’olu faranfasiya. O kɔfɛ an ka dususaalo cikan lase u ma.
3 Mɔgɔw magɛnni baara don: I miiri magɛnni baarakɛlaw ma ɲankata dɔ kɛnɛ kan. Hali y’a y’a sɔrɔ dɔw bɛ se ka ɲinini kɛ yɔrɔ min na mɔgɔ kisilen damadɔw dɔrɔn sera ka sɔrɔ, o bɛɛ n’a ta, u t’u sumaya baara la. U tɛ o yɔrɔ bila k’a d’a kan u baarakɛɲɔgɔnw ye mɔgɔ kisilenw caman sɔrɔ yɔrɔ wɛrɛ la. An fana ka magɛnni baara ma ban fɔlɔ. Mɔgɔ minnu b’a fɛ ka kisi ”tɔɔrɔba” la, san o san, u ba kɛmɛ caman de bɛ sɔrɔ.—Jir. 7:9, 14.
4 “Mɔgɔ o mɔgɔ mana Jehowa tɔgɔ wele, o na kisi.” (Rom. 10:13-15) O kuma ninnu ka kan ka nɔ bila an kelen-kelen bɛɛ la ka ɲɛsin nafa ma, nafa min ye ka taa’ fɛ waajuli ni timinandiya ye. Kabini an ka danyɔrɔ kɛli daminɛna, denmisɛnw bonyara. Sisan u kɔrɔbayara fo u bɛ miiri kosɛbɛ u yɛrɛw ka siniko ani ɲɛnamaya kuntilenna ma. An tɛ se k’a dɔn minnu bɛna lamɛnni kɛ don nataw la. (Waaj. 11:6) Kɔdonnikɛlaw caman tilara ka sɔn tiɲɛ la. An ka baara tɛ ka mɔgɔw kiritigɛ, nka ka taa’ fɛ ka cogo di u ma walisa u ka lamɛnni kɛ ka kisi ka bɔ nin diɲɛ in na. Iko Yesu ka kalandenw fɔlɔ y’a kɛ cogo min na, an ka kan ka ”taa tuma bɛɛ” mɔgɔw fɛ, k’u bila u k’u mago don Masaya cikan na.—Mat. 10:6, 7, NW.
5 Ikomi sira dayɛlɛlen don an ye hali bi walisa an ka waajuli kɛ, o ye Jehowa ka makari dankɛnɛmayali de ye. (2 Piɛ. 3:9) N’an b’a to mɔgɔ wɛrɛw ka se ka cikan lamɛn siɲɛ caman, an bɛ Jehowa ka kanuya jira o cogo la, k’a tanu.