Sɔn-ni-sɔn gafeninw jiracogo
La Tour de Garde 15 mars
“An fanba dusu kasira k’a ye ko an ka mɔgɔ kanulen dɔ banna. Yala i bɛ nin layidu dɔn min bɛ mɔgɔ dusu saalo kosɛbɛ wa? [Kɛwalew 24:15 kalan, ka jaabi makɔnɔ.] O la sa, mɔgɔ caman bɛ u yɛrɛ ɲininka ko: Jɔni bɛna lakunun? O lakununi bɛna kɛ tuma jumɛn na? O bɛna kɛ min? Nin gafenin bɛ o ɲininkaliw jaabiw di an ma, minnu bɛ bɔ Ala ka Kuma kɔnɔ.”
Réveillez-vous ! Mars
“Mɔgɔ caman jɔrɔlen bɛ bi, jogojuguya ko la min bɛ lakɔlisow la. Denmisɛn minnu b’a fɛ ka to saniya la taamacogo ta fan fɛ la la, olu bɛ se ka mun kɛ walisa o ko nɔgɔlen sugu minnu bɛ u da la lakɔli la, olu kana nɔ bila u la? [Jaabi makɔnɔ.] Hakilila ɲumanw bɛ sɔrɔ barokun kɔnɔ min bɛ ɲɛw 26-28nan na, o denmisɛn suguw kama.” Ntalenw 22:3 kalan, ka tila k’a jira nafa min b’a la k’i yɔrɔ janya kow la minnu bɛ se k’u bila kojugu kɛli la.
La Tour de Garde 1er avril
“Bangebaga caman dusu tiɲɛnen don k’a ye ko u y’u denw kalan fɛn nafamaw minnu na taamacogo ta fan fɛ so kɔnɔ, denw ma tugu o sariyaw kɔ. E fɛ, bangebagaw bɛ se ka mun kɛ walisa ka kojuguw kunbɛn minnu bɛ u ka baara tiɲɛ u bolo, u ka denbaya dɛmɛni ni a bilasirali la sira ɲuman kan? [Jaabi makɔnɔ.] Bangebaga minnu b’a fɛ k’u denw lamɔ ka ɲɛ ni fɛn nafamaw ye, olu bɛ se ka hakilila ɲumanw sɔrɔ barokun kɔnɔ min bɛ nin gafenin ɲɛw 8-11nan na.” Dutɛrɔnɔmɛ 6:6, 7 kalan, k’i sinsin yɔrɔw kan minnu b’a jira ko bangebagaw ka kan k’u denw kalan fɛn nafamaw na taamacogo ta fan fɛ la la, don o don.
Réveillez-vous ! Avril
“Mɔgɔ caman b’a ɲini cogo bɛɛ la ka hɛrɛ sɔrɔ, nka a bɛ iko mɔgɔ damadɔw dɔrɔn de b’o sɔrɔ. E fɛ, an ɲɛ bɛ fɛn minnu jiralen na yan yɔrɔ la, yala o dɔ la kelen bɛ se ka mɔgɔw dɛmɛ u ka dɔ fara u ka hɛrɛ kan u ka ɲɛnamaya kɔnɔ wa? [Yɔrɔ koorilen jira ɲɛ 9nan na. O kɔfɛ, Bibulu tɛmɛsira kofɔlenw dɔ la kelen kalan.] Hɛrɛ lakika bɛ sɔrɔ cogo min na, ka kɛnyɛ ni Bibulu ka fɔta ye, nin Réveillez-vous ! bɛ o ɲɛfɔ.”