Sɔn-ni-sɔn gafeninw jiracogo

The Watchtower Mar. 15

“Tuma caman na mɔgɔw bɛ kuma Yesu Krista nali ko la. E fɛ, yala o ye ko ye mɔgɔ ka kan ka min kɔnɔ wa, walima mɔgɔ ka kan ka siran min ɲɛ? [Jaabi makɔnɔ.] A lajɛ Bibulu sɛbɛnbaga Yuhana tun bɛ min miiri o ko la. [Jirali 22:20 kalan, k’i sinsin nin yɔrɔ kan: “Amiina, i ka na, Matigi Yesu.”] Krista nali bɛna ko min tiimɛ, nin sɛbɛn in b’o ɲɛfɔ.”

Awake! Mar.

“Denmisɛn minnu bɛ u kɔnɔkɔw fɔ mɔgɔ wɛrɛw ye ɛntɛrnɛti fɛ, olu hakɛ bɛ ka caya ka taa a fɛ. E fɛ, yala o bɔlen bɛ ko fɛ farati tɛ min na tiɲɛ na wa? [Jaabi makɔnɔ.] Bibulu bɛ dusu don alaɲɛsiranbagaw bɛɛ kɔnɔ u ka baara kɛ ni u hakili ye, u hakili min “sera ka ko ɲuman ni ko jugu faranfasi.” [Heburu 5:14 kalan.] Ikomi i ye bangebaga ye, nin barokun bɛna i dɛmɛ ka faamuya kosɛbɛ farati minnu bɛ se ka ye a la denmisɛnw ta fan fɛ minnu bɛ nin baara sugu kɛ ɛntɛrnɛti fɛ. A b’a ɲɛfɔ fana min ka kan ka kɛ walisa k’i ka denmisɛnw lakana.” Barokun min bɛ daminɛ ɲɛ 3nan na, o jira.

The Watchtower Apr. 1

“An kelen-kelen bɛɛ b’a fɛ ka hɛrɛ sɔrɔ a ka denbaya kɔnɔ ani k’a dɔn an bɛ se ka min kɛ walisa ka an ka hɛrɛ bonya denbaya kɔnɔ. E yɛrɛ fɛ, an bɛ se ka jaabi ɲɛnamaw sɔrɔ min, dannaya bɛ se ka da minnu kan? [Jaabi makɔnɔ.] A lajɛ Bibulu bɛ min fɔ 2 Timote 3:16 la. [A kalan.] Nin gafenin b’a jira an na Bibulu bɛ se k’an dɛmɛ cogo min na ka hɛrɛ sɔrɔ an ka denbaya kɔnɔ, sira nafama caman na, ani yɔrɔ dɔ wɛrɛw fana na.”

Awake! Apr.

“Mɔgɔw bolo, diɲɛ yɔrɔ caman na, sariyakolo minnu bɛ ɲuman ni juguman ko la, olu barika bɛ ka dɔgɔya ka taa a fɛ. Yala e y’o kɔlɔsi wa? [Jaabi makɔnɔ.] An ɲɛ bɛ cogoya minnu na bi, olu bɛ Bibulu kirayakuma tiimɛ. [2 Timote 3:2-4 kalan.] Jogoɲumanya dɔgɔyali kɔrɔ ye min ye, ani o bɛ hadamadenw lase yɔrɔ min na, nin sɛbɛn in bɛ olu jira.”