Sɔn-ni-sɔn gafenin jiracogo

La Tour de Garde 15 mars

“Nin waati la, san o san mɔgɔw bɛ miiri Yesu ko la. Diɲɛ bɛɛ kɔnɔ, mɔgɔw bɛ Yesu ka kalansiraw tanu. [Kuma min sɛbɛnna ɲɛ 3nan dakun 1 la, o kalan.] Nka e ka miiri la, yala nin ɲɔgɔnna kalansira suguw nafa ka bon bi wa? [Matiyu 5:​21, 22a kalan. O kɔ i ka jaabi makɔnɔ.] Nin gafenin bɛ Yesu ka kalansira jira, ani an bɛ se ka nafa bɔ a la cogo min na.”

Réveillez-vous ! 22 mars

“Sisan, an bɛɛ ɲɛ b’a la ko mɔgɔ caman tɛ ka baara sɔrɔ. Mɔgɔ caman wɛrɛ miiri la, bolola-baara ye fɛn ye, mɔgɔ man kan ka boli min nɔfɛ. Ala ka kuma bɛ min fɔ bolola-baara kan, yali e bɛ o dɔn wa? [Efesekaw 4:28 kalan ani i ka bolola-baara gɛlɛn nafa jira.] Barokun dɔ bɛ nin gafenin kɔnɔ, min bɛ dusu don an na walisa an ka hakilina ɲuman sɔrɔ ka ɲɛsin bolola-baara gɛlɛnw ma.”

La Tour de Garde 1er avril

“Mɔgɔ dɔw fɛ, a ka gɛlɛn diinɛ ka limaniya ani hadamadenw ka lakɔlisobaw ka dɔnniya ka ɲɔgɔn ta. Yali e ma deli k’a mɛn ko Bibulu kuma ani hadamadenw ka lakɔlisobaw ka dɔnniya bɛ ɲɔgɔn sɔsɔ wa? [Jaabi makɔnɔ.] Kɛlɛ min donna diinɛ ani lakɔlisoba dɔnniyaw cɛ, nin gafenin bɛ o kɛlɛ tariku fɔ. Nka a bɛ a jira fana ko lakɔlisobaw ka dɔnniya sɛbɛ ni Bibulu kɔnɔkuma bɛ ɲɔgɔn ta.” Ɲɛ 6-7nanw jira i ka tila ka Eklesiaste 1:7 kalan. A ɲɛfɔ ko masa Solomani sera ka lakɔlisobaw ka dɔnniya dɔ ɲɛfɔ Ala sababu fɛ.

Réveillez-vous ! 8 avril

“Anw ni bangebagaw caman kumana. O kumaw kɔnɔ, an ye a faamuya ko bangebaga caman bɛ ka u cɛsiri ka jogo ɲuman don u denw la. E fɛ, bangebagaw bɛ se ka u denw dɛmɛ cogo di, u ka na se ka gɛlɛyaw sɔrɔ u ka denmisɛnya waati? [Jaabi makɔnɔ. O kɔ Esayi 48:17, 18 kalan, i ka a ɲɛfɔ ko, bangebagaw ka kan k’a jira denmisɛnw na ko Ala ka sariyakolow ka ɲi u ma.] Nin gafenin bɛ a jira ko, ni bangebagaw bɛ baara kɛ ni Bibulu ye, o bɛ u dɛmɛ, u ni u denw ka ɲɔgɔn faamu, ka kumaɲɔgɔnya don u ni ɲɔgɔn cɛ, ka dan sigi u denw ka ko kɛtaw la min bɛnnen bɛ.”