ዓይነ ስውራንን ለማገዝ የተደረጉ ዝግጅቶች

በዓለም ዙሪያ፣ ሙሉ በሙሉ ማየት የተሳናቸው 43 ሚሊዮን ሰዎች እንዲሁም የማየት ውስንነትa ያለባቸው 295 ሚሊዮን ሰዎች እንዳሉ ይገመታል። የሚያሳዝነው ግን ብዙዎቹ ይበደላሉ ብሎም ግፍ ይፈጸምባቸዋል።

አምላክ ስለ ዓይነ ስውራን ምን ይሰማዋል? መጽሐፍ ቅዱስ ስለ እነሱ ምን ይላል? የይሖዋ ምሥክሮችስ እነሱን ለማገዝ ምን ዝግጅቶች አድርገዋል?

አምላክ ስለ ዓይነ ስውራን ምን ይሰማዋል?

መጽሐፍ ቅዱስ እንደሚናገረው ይሖዋb ለዓይነ ስውራን በጣም ያስባል። ፈጽሞ እንዲበደሉ አይፈልግም፤ እሱ ከሚሰጠው ትምህርት እንዲጠቀሙ ይፈልጋል። ደግሞም መጪውን ጊዜ በደስታ እንዲጠብቁ የሚያደርግ ተስፋ ሰጥቷቸዋል።

ጥቅስ፦ “ዓይነ ስውሩን መንገድ የሚያሳስት የተረገመ ይሁን።”—ዘዳግም 27:18

ጥቅስ፦ ‘አምላክ አያዳላም።’—የሐዋርያት ሥራ 10:34

ጥቅስ፦ ‘ኢየሱስ የብዙ ዓይነ ስውራንን ዓይን አበራ።’—ሉቃስ 7:21

ጥቅስ፦ “የዓይነ ስውራን ዓይን ይገለጣል።”—ኢሳይያስ 35:5

ትርጓሜው፦ የአምላክ መንግሥት በቅርቡ ምድርን ማስተዳደር ሲጀምር ዓይነ ስውራን ሁሉ ማየት እንደሚችሉ አምላክ ቃል ገብቷል።

የይሖዋ ምሥክሮች ለዓይነ ስውራን ምን እገዛ ያደርጋሉ?

በዓለም ዙሪያ ያለን የይሖዋ ምሥክሮች፣ መጽሐፍ ቅዱስ ውስጥ የሚገኘውን የተስፋ መልእክት ለዓይነ ስውራን እያበሰርን ነው። ይህን እያደረግን ያለነው እንዴት ነው?

• መጽሐፍ ቅዱስን እንዲሁም የመጽሐፍ ቅዱስ ማጥኛ ጽሑፎችን እና ቪዲዮዎችን አዘጋጅተናል፤ በብሬል፣ በትላልቅ ፊደላት እና በድምፅ ፎርማቶች ስለሚዘጋጁ ዓይነ ስውራን እና የማየት ውስንነት ያለባቸው ሰዎች በቀላሉ ሊጠቀሟቸው ይችላሉ።

• ሳምንታዊ ስብሰባዎቻችን ዓይነ ስውራንን ጨምሮ ለሁሉም ሰው ክፍት ናቸው።

• አስተማሪ ተመድቦላቸው መጽሐፍ ቅዱስን መማር ለሚፈልጉ አሳታፊ የመጽሐፍ ቅዱስ ኮርስ አዘጋጅተናል።c

እነዚህ ዝግጅቶች በሙሉ ክፍያ አይጠየቅባቸውም። ለምን? ኢየሱስ “በነፃ እንደተቀበላችሁ በነፃ ስጡ” ብሎ ስላዘዘን ነው።—ማቴዎስ 10:8

የይሖዋ ምሥክሮች ለዓይነ ስውራን ከልብ ያስባሉ። አብረውን ለሚያመልኩ ዓይነ ስውራን የእምነት አጋሮቻችን ድጋፍ እናደርጋለን። ለናሙና ያህል፣ ዓይነ ስውራን የሆኑ አንዳንድ የይሖዋ ምሥክሮችን የሕይወት ተሞክሮ እናጋራህ።

ታሊታ አልናሺ የምትኖረው ስዊድን ውስጥ ነው፤ ስትወለድ ጀምሮ ከፍተኛ የማየት ውስንነት አለባት። ወላጆቿ መጽሐፍ ቅዱስን ያስተማሯት እንዴት እንደሆነ እንዲሁም እሷና ቤተሰቧ ከእምነት አጋሮቻቸው ምን ድጋፍ እንደተደረገላቸው ተመልከት።

ሲንቲያ ፓብሎ የምትኖረው ፊሊፒንስ ውስጥ ሲሆን ማየትም መስማትም የተሳናት ናት። በኮቪድ-19 ወረርሽኝ ወቅት የእምነት አጋሮቿ የደገፏት እንዴት ነው? “በወረርሽኙ ወቅት አንድ ጉባኤ ማየትና መስማት ለተሳናት እህት ያደረገው ድጋፍ” የሚለው ርዕስ ላይ ተመልከት።

መጽሐፍ ቅዱስን ለማስተማር የትኞቹን አጋዥ መሣሪያዎች አዘጋጅተናል?

በብሬይል የተዘጋጁ ጽሑፎች። በተወሰኑ ቋንቋዎች ሙሉውን መጽሐፍ ቅዱስ ወይም በከፊል በብሬይል አሳትመናል። (የቋንቋዎቹን ዝርዝር ለማግኘት “አዲስ ዓለም ትርጉም መጽሐፍ ቅዱስ በብሬይል” የሚለውን ሣጥን ተመልከት።) መጽሐፍ ቅዱሳዊ ጽሑፎችንም በብሬይል እናዘጋጃለን። ብሬይል መማር ለሚፈልጉ ደግሞ የብሬይል መማሪያ (በአማርኛ አይገኝም) የሚል ጽሑፍ አዘጋጅተናል። ይህ ጽሑፍ የተዘጋጀው ዓይነ ስውራን፣ ማየት በሚችል ሰው እርዳታ በብሬይል ማንበብን እንዲማሩ ለመርዳት ታስቦ ነው።

• በወረቀት የታተሙ የብሬይል ጽሑፎችን ለማግኘት አንድ የይሖዋ ምሥክር አነጋግር ወይም የይሖዋ ምሥክሮች መጥተው እንዲያነጋግሩህ ጥያቄ አቅርብ።

• ለኖትቴከር መሣሪያዎችd የተዘጋጁ ፋይሎችን ከjw.org አውርድ።

• በትላልቅ ፊደላት የታተሙ ጽሑፎችን ለማግኘት አንድ የይሖዋ ምሥክር አነጋግር ወይም የይሖዋ ምሥክሮች መጥተው እንዲያነጋግሩህ ጥያቄ አቅርብ።

• በወረቀት የሚታተመውን የትላልቅ ፊደላት ጽሑፍ በኤሌክትሮኒክ ቅጂ ማግኘት ከፈለግህ ከjw.org ላይ አውርድ።

• jw.org ድረ ገጽ እና JW Library አፕሊኬሽን ላይ የድምፅ ቅጂዎችን በቀጥታ አጫውት ወይም አውርድ።

• እንደ ስክሪን ሪደር እና ዲጂታል ቶኪንግ ቡክ ፕሌየርe ላሉ ማንበቢያዎች የተዘጋጁ ፋይሎችን ከjw.org አውርድ።

የድምፅ መግለጫ ያላቸው ቪዲዮዎች።f የይሖዋ ምሥክሮች የድምፅ መግለጫ የተካተተባቸው መጽሐፍ ቅዱሳዊ ቪዲዮዎችን ያዘጋጃሉ፤ እነዚህ ቪዲዮዎች ከ100 በሚበልጡ ቋንቋዎች ይገኛሉ። የቪዲዮዎቹ ዓላማ ሰዎች በመጽሐፍ ቅዱስ ውስጥ የሚገኘውን ጠቃሚ ምክር እንዲያስተውሉና ተግባራዊ እንዲያደርጉ መርዳት ነው።

ለአብነት ያህል፣ በሚከተሉት ዓምዶች ሥር ያሉ አንዳንድ ቪዲዮዎች የድምፅ መግለጫ አላቸው፦

• ለሰመረ ትዳር

• መጽሐፍ ቅዱስ የሰዎችን ሕይወት ይለውጣል

• የነጭ ሰሌዳ አኒሜሽን

• የጉባኤ ስብሰባ የሚደረግበትን ቦታ ፈልግ።

• ዓመታዊ ስብሰባዎቻችን ምን እንደሚመስሉ ተመልከት።

• በኢየሱስ ሞት መታሰቢያ በዓል ላይ ተገኝ፤ ይህ በዓመቱ ውስጥ ትልቅ ቦታ የምንሰጠው ፕሮግራም ነው።

ሆሴ ሉዊስ አያላ የሚኖረው ሜክሲኮ ውስጥ ነው። ሲወለድ ጀምሮ መስማት የተሳነው ነው፤ በ29 ዓመቱ ደግሞ ዓይነ ስውር ሆነ። ስብሰባዎቻችን በሕይወቱ ላይ ምን ለውጥ እንዳመጡና ጎበዝ የመጽሐፍ ቅዱስ አስተማሪ እንዲሆን ምን እገዛ እንደተደረገለት ተመልከት።