Lê die oue af, en beklee julle met die nuwe

3:5-14

Het jy groot veranderinge in jou persoonlikheid gemaak toe jy in die waarheid gekom het? Jy kan daarvan seker wees dat Jehovah baie bly was toe jy dit gedoen het (Ese 33:11). Maar jy moet daaraan bly werk sodat die eienskappe van die ou persoonlikheid nie kop uitsteek nie en sodat jy kan voortgaan om die nuwe persoonlikheid te weerspieël. Beantwoord die volgende vrae om te sien hoe jy kan verbeter:

• Is ek nog steeds kwaad vir iemand wat my seergemaak het?

• Is ek geduldig, selfs wanneer ek haastig of moeg is?

• Wanneer ’n onsedelike gedagte by my opkom, verwerp ek dit onmiddellik?

• Het ek negatiewe gevoelens teenoor mense van ’n ander ras of nasionaliteit?

• Het ek onlangs op ’n onbeskofte manier met iemand gepraat of my humeur verloor?