Die dae van die Messias en sy volgelinge

Hierdie deel dek ’n tydperk van omtrent 100 jaar. Aan die begin van hierdie deel lees ons van die nederige Joodse maagd met die naam Maria, wat een van die belangrikste toewysings gekry het wat Jehovah al ooit aan enige onvolmaakte mens gegee het, en ons eindig met die laaste dae van Jesus se geliefde apostel Johannes. Langs die pad kyk ons na uitstekende voorbeelde van moed soos dié van Johannes die Doper, die apostel Petrus, Maria Magdalena, Stefanus en die apostel Paulus. Hulle almal het moed in verskillende situasies nodig gehad. Byvoorbeeld, hulle het ander moedig vertel dat Jesus die Messias was, selfs al het die meeste mense dit nie aanvaar nie. Hulle het Jesus se voorbeeld nagevolg en die goeie nuus oor hom verkondig, al was hulle as gevolg daarvan gehaat en vervolg.