Nyut Kit Maber i Nyim Doggola

Lukricitayo gitye calo “ginanena pi jo ma i wi lobo ducu.” (1Kor 4:9) Pi meno, pe myero wabed ki ur ni wegi odi mogo gikiyowa ki i wang dirica nyo giwinyowa ki i nge doggola. Paci mukene tye ki kamera kacel ki lakub dwan ma kitiyo kwede me mako lubal, ma rwod ot bene twero tic kwede me nenowa, winyowa, nyo mako cal ki dwanwa. Magi aye yo mogo ma watwero nyuto kwede kit maber ka watye i doggola pa dano.​—2Kor 6:3.

KITTI (Pil 1:27):

• Nyut woro pi rwod ot kun pe ingade ka ngiyo jami ma tye i ode. Pe icam, imat, igo cim, nyo icwal mecej i cawa ma nongo icung i nyim doggola

LOKKI (Ep 4:29):

• Ka dong io i nyim doggola, pe iwac gin mo keken ma pe imito ni rwod ot owiny. Lutit kwena mogo kong gijuko lok i kingi wek giket tamgi ducu i kom gin ma gimito wacone

Yo mukene ango ma itwero nyuto kwede kit maber ka itye i nyim doggola pa dano?