Lwongo ma Kite Dok Pat
1. Rwec me lwongo dano pi gure madito me mwaka 2014 bicakke awene?
1 Ka iyubo dek mo mamit pi luremi nyo jo me ot-ti, tutwalle dek ma welle tek dok tedone bene tero kare malac, ibibedo ki mit kom ka itye ka lwongo dano. I yo acel-lu, dong kitiyo tic mapol me yubo cam me cwiny ma kibimiyone i gure madito me distrik ki gure ma kwako lobe mapol i mwaka 2014. Ma nongo pud odong cabit adek me cito i gure madit, wabibedo ki mot me lwongo jo mukene me bedo tye iye. Ngo ma biweko wanywako i rwec man ki mit kom?
2. Ngo ma bitugo mitiwa me tute matek i rwec man?
2 Ka walwodo kit ma wan ki acel acel watye ka nongo kwede ber pa cam me cwiny ma Jehovah miyowa i gure madito, ci bitugo mitiwa me tute matek i rwec man. (Ic. 65:13, 14) Omyero wiwa bene opo ni, rwec man ma bedo mwaka ki mwaka-ni kelo adwogi maber. Jo mukene ma walwongogi gibibedo tye i gure madit kacel kwedwa. Ento kadi bed dano mapol gibibedo tye nyo pe, tutewa i rwec man bikelo pak bot Jehovah kun nyuto yot cinge.—Jab. 145:3, 7; Yabo 22:17.
3. Wabipoko karatac me lwongo-ni nining?
3 Luelda me kacokke myero gumok kit ma gibipoko kwede karatac me lwongo i kabedo ducu, ka ce gibiweko i paci ma pe gunongo iye dano nyo gibipoko ka ma kimiyo iye caden i dye lwak. I tum pa cabit wuromo poko magajin kacel ki karatac me lwongo ka opore. Ka Ceng Abicel mukwongo me dwe meno opoto i kare me rwec, ci omyero watute me poko karatac me lwongo me kaka cako kwano Baibul ki dano. I nge tyeko rwec man, pud dong wabibedo ki yomcwiny me ngeyo ni wan bene wanywako iye ki mit kom dok walwongo jo mapol kit ma watwero me nywako kwedwa i cam me cwiny ma Jehovah omiyo!