Rwec me Lwongo Dano pi Gure Madit

Mwaka ki mwaka, wabedo ki miti madit pi cam me cwiny ma wanongo i gurewa me rijon. Me wek jo mukene bene gunen ber pa Jehovah, wabilwongo jo mapol kit ma watwero me bedo tye iye kacel kwedwa. (Jab 34:8) Luelda me kacokke myero gumok kit ma gibipoko kwede karatac me lwongo.

NGEC MA MYERO IBED KWEDE

• Gurewa madit bibedo awene?

• Rwec me lwongo dano pi gure bicakke awene i kabedowa?

• Cokke me cito i tic me pwony cakke cawa adi?

• Yub ango ma atye kwede ma lubbe ki rwec man?

• Anga ma amito lwongone?

NGO MA IROMO WACONE?

I nge moto dano, iromo wacci:

“Watye ka nywako i rwec ma kwako wi lobo ducu me lwongo dano pi yub mo ma pire tek adada. Nino dwe, cawa, ki kabedo ma yub man bibedo iye kicoyo i karatac man. Wabibedo ki yomcwiny ka ibino.”

ITWERO DONGO MITI PA DANO NINING?

Kadi bed ni wamito lwongo dano mapol pi gure madit, omyero wabed atera me dongo miti pa dano.

I tum cabit, iromo poko magajin kacel ki karatac me lwongo.