Tam ma Kimiyo me Nyuto What Is the Purpose of Life—How Can You Find It?
I nge moto won ot, iromo waco ni:
“Kwo i kare-ni opong ki peko ki cwercwiny mogo madongo ma pe watwero weyone. In mono itamo ni man aye kit ma onongo kimito ni kwo obed kwede? [Miye kare me gamone.] Brocuwa man nyuto ni yub mukwongo pa Lubanga pi dano ki pi lobo bicobbe. [Nyamu lok i kom cal ma tye i pot karatac 20-1. I ngeye, kwan paragraf 9, ka ilok i kom Icaya 14:24 ki 46:11.] I nino ma lacen, amito nyutti kaka mo i Baibul ma loko i kom kit ma Lubanga bidwoko kwede Paradic i lobo.” Miye brocuwa-ni, ka iyub yub me dwogo cen.
Ka idwogo, in iromo waco ni:
“Nino ca awaco ni yub pa Lubanga tye ni dano omyero gukwo i paradic i wi lobo nakanaka. [Nyut cal ma tye i pot karatac 20-1 dok odoco.] Niang ni Yecu, Petero, ki Daudi guloko i kom Paradic.” Yab pot karatac 21-2, ci wunyam paragraf 10-13. Penye ka en mito kwano Baibul wek wuyubbi, nyo yub yub me nyamo lok ma tye ite wi lok matidi ma tye i pot karatac 29-30.
Latit kwena ma mwakane tye apar wiye romo waco ni:
“Lutino mapol ma mwakagi rom ki mega pe gingeyo kit ma anyim bibedo kwede. In itamo ni kwo bibedo maber pi jo ma dok gitino gikata-ni? [Miye kare me gamone.] Baibul tito ni anyim pa dano bibedo maber. [Yab cal ma tye i pot karatac 31, ci ikwan lok ma loko i kom cal-li. I nge meno kwan 2 Petero 3:13.] Brocuwa man ma loko i kom jami mabeco ma Lubanga oyubo pi dano i anyim. [Loki i kom wi lok matidi ma tye i pot karatac 29-30, ci imiye brocuwa.] An pud doki amito bino ka limmi odoco wek atitti lok i kom cikke pa Lubanga me juko lweny ducu.” Yub yub me dwogo cen.
Ka idwogo, iromo waco ni:
“Nino ca ma alimi-ni, atito pi yub pa Lubanga me keto paradic i lobo-ni wiye wiye. [Loki i kom cal ma tye i pot karatac 31 dok odoco.] An amito winyo tammi i kom cikke pa Lubanga me juko lweny woko ducu-ni.” Wek en okel brocuwane, ka dong wukwan dok wunyam paragraf 3-6 ma tye i pot karatac 29. Yub yub me kwano paragraf 7-8 i nino mukene me dwogoni.
Ka itye ka tic kacel ki latin, in ma idit-ti itwero tito nyingwu ka iwaco ni:
“Ka itwero ye, ci ________ binyuto boti cal moni ka dok kwanni ginacoya acel ki i Baibul. [Wek latin onyut cal ma tye i pot karatac 31ci okwan lok ma loko i kom cal-li ka okwan Niyabo 21:4.] Brocuwa man tito gin ma Lubanga bitimo i kom peko ma watye kwede i kare-ni. [Loki i kom wi lok matidi ma kicoyo ki coc ma kikwoto ma tye i pot karatac 29-30 wiye wiye, ka dong imi brocuwa-ni.] Ka wadwogo, amito ni anyutti gin ma Baibul loko i kom kit ma two ducu bigik kwede.”
I nino ma wudwogo cen, in ma idit-ti iromo waco ni:
“I lokwa me nino ca, an awaco ni amito nyutti gin ma Baibul loko i kom kit ma two ducu bigik kwede. Nen kong gin ma kitito kany.” Wek en obed ki brocuwane, ka dong wunen paragraf 9-14 ma tye i pot karatac 29 me brocuwa-ni. Penye ka en mito kwano Baibul wek wuyubbi, nyo yub yub me kwano paragraf 15-17 i nino me dwogoni mukene doki.