Tam ma Kimiyo me Nyuto Does God Really Care About Us?
I nge tito lok mo ma otimme marac, in iromo waco ni:
“In mono kare mo dong itamo i kom gin ma omiyo Lubanga oweko dano deno peko ka ada en paro piwa? [Miye kare me gamone.] Brocuwa man miyo lagam matir i kom lapeny man dok nyuto gin ma Lubanga obitimone i kare macok cok i anyim. [Nyut cal ma tye i pot karatac 27, ci ikwan Jabuli 145:16 ma nonge i paragraf 22.] Lubanga mono obikwanyo peko ducu ma dano gitye kwede nining? An amito ni wanen lapeny man ka adwogo cen.” Miye brocuwa-ni, ci yub yub me dwogo cen.
Ka idwogo cen, in iromo waco ni:
“I kare ma alimi i nino ca-ni, wakwano ginacoya man. [Kwan nyo itit gin ma tye i Jabuli 145:16.] Ka ipeny ni: Lubanga mono obikwanyo peko ducu ma dano gitye kwede-ni nining?” Wek en okel brocuwane-ni. Ka dong iyab pot karatac 27-8, ci wunen paragraf 23-5. Penye ka en mito kwano Baibul wek oyubbi, nyo yub yub me neno paragraf 26-7 ka dok idwogo cen.
Bulu ma mwakane pud tye apar wiye romo waco ni:
“Dano ma mwakagi rom ki mega giparo kit ma lobo bibedo kwede i mwaka 10 nyo 15 anyim. In kono itamo ni kwo bibedo nining i kare meno? [Miye kare me gamone.] Peko ma watye ka nenone i kare-ni nyuto ni watye ka kwo i kare me agikki. [Kwan 2 Temceo 3:1-3.] Brocuwa man gamo lapeny magi. [Kwan lapeny ma tye i pok ngeye-ni ka imi brocuwa-ni.] Ka adwogo ma anongo ni itye ki dakika mo manok ci amito ni walok kong i kom kit ma two ki tiyo bigik kwede.” Yub yub me dwogo cen.
Ka idwogo, in iromo waco ni:
“I kare ma waloko kwedi i nino ca-ni, an awaco nongo ni amito titi lok i kom agikki me two ki tiyo. Lokke nonge kany.” Wek en okel brocuwane, ka wukwan dok wunyam paragraf 6-7 ma tye i pot karatac 23-4 me brocuwa-ni. Yub dok yub me kwano paragraf 8-9 i dwogoni mukene.
Ka itye ka tic kacel ki latin matidi, in ma idit-ti iromo tuco nyingwu ka dong iwaco ni:
“Ka itwero ye, ci ________ bikwani ginacoya moni. [Wek latin-ni okwan Jabuli 37:29 ci olok iye manok.] Brocuwa man loko i kom kit ma Lubanga bicobo kwede yubbe pi dano ki pi lobo. [Nyut cal ma tye i pot karatac 24-7.] Ka wadwogo, amito ni anyutti cikke me aura ma Baibul tye kwede i kom nicer.” Mi brocuwa-ni, ci iyub yub me dwogo cen doki.
Ka wudwogo, in ma idit-ti iromo waco ni:
“I nino ca ma abino-ni, wakwano Jabuli 37:29, ci awaco ni amito nyutti gin ma Baibul waco i kom nicer. Nen kong gin ma kitito kany.” Wek en okel brocuwane, ci wunen lok ma tye i paragraf 12-14 pot karatac 24-5 me brocuwa-ni. Penye ka en mito kwano Baibul wek oyubbi, nyo yub yub me kwano paragraf 15-16 ka idwogo bote doki.