Brocuwa ma Kiyubo pi Dano me Dini Mapat ki pa Lukricitayo
Lasting Peace and Happiness—How to Find Them Ka itye ka miyo caden bot latin kwan ma obedo dano me China, iromo wacci:
◼ “Gin ma anongo ni lutino kwan mapol gimito matek aye obedo kuc ki yomcwiny. In mono itamo ni man obedo gin ma pire tek? [Miye kare me gamone.] Mono pe bibedo gin me aura tutwal me neno cobbe pa lok magi ma yam kiloko con-ni?” Kwan Jabuli 37:11, ci miye brocuwa.—km 2/98 pot 5.
“Look! I Am Making All Things New” Iromo waco bot ngat ma otegi ma obedo ladini me Budda ni:
◼ “Gwok nyo in bene iparo lok i kom tam macilo ma onya i kabedo ducu i kare-ni kacel ki jami maraco ma tam magi tye ka kelone i kom lutinowa. Pingo mono tim me buto caro caro tye ka medde ameda i kin jo matino? [Miye kare me gamone.] Tika onongo ingeyo ni kikwongo tito pire i buk mo ma kicoyo ma onongo dini pa Icilam, Lukricitayo ki Hindu pud gipeke? [Kwan 2 Temceo 3:1-3.] Niang ni kwo ma kit man tye ka medde ameda i kom kare-ni kadi bed ni rwom me pwonye tye ka medde. [Kwan tyeng 7.] Gin akwana man okonya me niang lok ada ma pol pa dano peya guniang iye. In bene imito kwanone?”—km 8/99 pot 8.
Why Should We Worship God in Love and Truth? Kit me cako lok i yo man romo tic maber bot dano me dini Hindu ma dong tye ki jo ode:
◼ “An atye ka limo dano ma giparo pi kit ma kwo me ot tye kwede i lobo mapol i kare-ni. In itamo ni gin ango ma bikonyo jo me ot me ribbe me bedo acel? [Miye kare me gamone.] Jo mukene gingeyo gin ma ginacoya pa dini Hindu loko i kom kwo me ot, ento pud peya gunongo kare me poro lok magi ki gin ma Baibul loko i kom kwo me ot. Amito ni wanywak tam man kacel kwedi. [Kwan Jo Kolocai 3:12-14.] Brocuwa man nyuto kit ma coc maleng me India orwatte kwede ki Baibul.” Miye brocuwa man, ka ilok wiye wiye i kom gin ma tye i pot karatac 8-9 ki 20-1.—km 9/99 pot 8.
Our Problems—Who Will Help Us Solve Them? Iromo waco bot ladini me Hindu ma obedo bulu ni:
◼ “Angeyo atir ni in itye ki niye i kom Lubanga. In itamo ni yub pa Lubanga piwa tye ningo? [Miye kare me gamone. Ka dong ikwan Acakki 1:28.] I kabedo mapol, dano tye ma gupongo kabedo woko dok gitye ki peko madwong adada. In itamo ni Lacwec tye ki miti me konyowa me tyeko pekowa-ni?” Miye kare me gamone, ci miye brocuwa man.—km 9/99 pot 8.
Will There Ever Be a World Without War? Ka itye ka miyo caden bot ladini me Judaya, iromo wacci:
◼ “Pol pa wan dong watyeko bedo ki arem me cwiny ma bino pi rwenyo danowa me amara i to. In itamo ni gin ango ma timme i komwa ka wato?” Miye kare me gamone. Ci iloki i kom bok ma wiye tye ni “Death and the Soul—What Are They?” ma tye i pot karatac 22 me brocuwa man. Kwan paragraf 17 i pot karatac 23 ma mako lok i kom nicer. Tit ni Yubu obedo ki gen me cer. Miye brocuwa man, ci yub yub me dwogo ka nyamo ginacoya ma kiketogi i agikki me paragraf 17.—km 10/99 pot 8.
The Guidance of God —Our Way to Paradise Ka itye ka lok ki Laicilam, iromo wacci:
◼ “An atye ka tute matek me lok ki Luicilam. An aniang ni Luicilam giye i kom Lubanga acel me ada kacel ki lunebi ducu. Tye mono kit meno ada? [Miye kare me gamone.] Amito ni anywak kwedi lok ma lanebi mo otito con i kom kit ma lobo-ni bilokke kwede doko paradic. Itwero ye ni akwanni gin ma lanebi-ni ocoyo? [Miye kare me gamone. Kwan Icaya 11:6-9.] Lok pa lanebi man miyo atamo i kom gin ma Koran otito ma tye i brocuwa man.” Yab pot karatac 9, ka ikwan lok ma kicoyo ki coc ma kikwoto ma kikwanyo ki i Koran-ni. Ka onyuto miti, medde ki lok kun inyamo paragraf 7-9 ma tye i pot karatac tungcel.—km 11/99 pot 8.