GWOK MABER
Tam ma Kimiyo me Nyuto Brocuwa
Kimiyo tam mapatpat i karatac man ma kiluto i iye-ni wek okonyi me yubo kit me cako lok i cawa me nyuto brocuwa mapatpat. Tam man kiromo ketone i yo ma rwatte ki kit me kwo me kabedo moni. Kit me nyuto brocuwa i yo mukene bene pud kiromo tic kwede gire. Kit me cako lok i yo mukene mapat ki ma kiketo kany-nyi twero nonge i Our Kingdom Ministry me Dwe me Acel 2005, pot 8.
Tam acel acel ma tye i pot karatac man tye ki (1) lapeny ma tero dano i leyo tam, (2) ka ma kitwero nongo iye lok me aleya ki i brocuwa moni-ni, ki (3) ginacoya acel ma rwatte ma kitwero kwanone i kare me nyamo lok. In itwero pongo but lok mukene-ni dong ki lok ma megi kun nongo lubbe ki kit ma ngati moni-ni gamo kwede.
A Satisfying Life —How to Attain It
◼ “Dano ducu giyenyo kwo mamit i wi lobo-ni. In itamo ni kwo mamit ma kelo yengo tika bitwere ada?”—pot 29, para. 6; 2 Pet. 3:13.
A Book for All People
◼ “In mono itamo ni Baibul tye ki tam ma tiyo i karewa-ni?”—pot 22, lok i kom cal; pot 23, para. 3 me bok; Car. 25:11.
The Divine Name That Will Endure Forever
◼ “Polwa ngeyo lega ma cakke ni “Wonwa ma tye i polo, giwor nyingi maleng.” (Mat. 6:9) Ento in onongo mono ingeyo ni larrewa cung i kom ngeyo nying meno?”—pot 28, para. 1; Rom. 10:13.
When Someone You Love Dies
◼ “Tin watye ka nyuto brocuwa man ma dong otyeko kelo gen dok okweyo cwiny dano milion mapol ma gurwenyo danogi me amara i to. Tika nino mo i temo penye kekeni ka gen mo tye pi jo ma dong gutyeko to woko?”—pot 27, para. 3; Jon 5:28, 29.
◼ “Tika nino mo itamo kit ma omyero ikwe kwede cwiny dano mo ma orwenyo danone me amara i to?”—pot 20, para. 1; Car. 17:17.
Ngo ma Timme i Komwa ka Wato?
◼ “Ka dano ma wamaro oto, rwatte i kit pa dano me tamo ni dano-ni kono nongo dong tye kwene ki dok ka wabitwero nenone i anyim. Tika dong itamo i kom lapeny ma kit magi?”—Lapeny ma tye i pokke ma i ngeye-ni; Yubu 14:14, 15.
Should You Believe in the Trinity?
◼ “Dano gitye ki niango mapatpat i kom kit ma Lubanga obedo kwede. In itamo ni gin ma wan waye iye mono pire tek?”—pot 3, para. 3, 7-8; Jon 17:3.
Bed ki Yomcwiny Iwi Lobo Nakanaka!
◼ “Dano mapol gitamo ni myero kong wacit i polo ka weko watwero nongo kwo ma pe tum, ento in kono itamo nining i kom kwo i wi lobo kany nakanaka?”—Cal ma tye i pok ngeye-ni; Yabo. 21:4.
The Government That Will Bring Paradise
◼ “Dano mapol gimito ni omyero kikwany peko ma watye kwede i kare-ni woko. In mono itamo ni gamente mo olo bibedo tye ma bikwanyo peko magi ducu?”—pot 3, para. 1; Mat. 6:9, 10.