Ажәамаанақәа
5 Сыҷкәын, исҳәо аҟәыӷара ажәақәа урзыӡырҩы,
3 Избанзар аԥҳәыс хәымга* илҳәо асаранџьцха иаҩызоуп,
Лажәақәа ахәша аасҭа иҟәымшәышәуп.
4 Аха аҵыхәтәаны лара уара узы иашоу аҳаскьын еиԥш дашахоит,
Наҟ-ааҟ ицҳафыруа аҳәа еиԥш дыцҳалоит.
5 Уи лшьапқәа аԥсрахьы илбаауеит,
Лшьаҿақәа анышә* ахь дагоит.
6 Лара аԥсҭазаара амҩа азхәыцрагьы лҭахӡам,
Дыхрааӡраауа дықәуп, дахьнеиуа лыздырӡом.
7 Убри аҟынтә усзыӡырҩы, сыҷкәын*,
Еснагь исҳәо ҟаҵала.
8 Уи лымԥан уқәымлалан,
Лыҩны аҩналарҭа ааигәа умнеилан,
9 Ахьӡ бзиа уцәымӡырц азы,
Уԥсы ахьынӡаҭоу умгәаҟларц азы,
10 Умал* даҽа шьоукы ирымгарц азы,
Цәгьаԥсышьала иурҳаз шьоукы рыҩнаҿы иҟамларц азы.
11 Мамзар уԥсҭазаара анҵәамҭазы уӷызы-ӷызлоит,
Умчқәа анкаԥсалак, угәабзиара анцалак,
12 Нас иуҳәоит: «Амҩақәҵара* зысцәымӷзи?
Сандыриашоз исарҳәоз схахьы изнасымгози?
13 Сара сымҩақәызҵоз сырзыӡырҩӡомызт,
Сырҵаҩцәа ирҳәоз схахьы иназгаӡомызт.
14 Зегьы ишырбоз
Схы ҭасырхарц акы аасыгымхеит».
15 Аӡы уҵеџь аҟынтә ижәла,
Аӡы цқьа уӡыхь аҟынтә игала.
16 Уӡыхьқәа амҩақәа ирныланы ицалар закәзеи?
Урҩашқәагьы ақалақь ашҭақәа изырнылар акәзеи?
17 Урҭ уара заҵәык иутәызааит,
Даҽаӡәы итәымзааит.
18 Уӡыхь Анцәа иныҳәааит,
Уанқәыԥшыз иугаз аԥҳәыс улылагәырӷьала.
19 Ашьабысҭа кахәхәеи ақәасаб ԥшӡеи ирҩызоу уԥҳәыс.
Лгәыԥҳәы еснагь агәахәара узаанагалааит,
Лыбзиабара еснагь укны уамазааит.
21 Иегова ауаҩы иҟаиҵо зегь ибоит,
Ишьаҿақәа зегьы дрыцклаԥшуеит.
22 Ацәгьаҟаҵаҩ ицәгьоурақәа дыршьаҳауеит,
Игәнаҳа ацәҟьа еиԥш дакуеит.
23 Иара зынӡа дгаӡоуп азы дымҩахҟьоит,
Амҩақәҵара мап ацәикуеит азы дыԥсуеит.