Ongakusho Ngomagazini

INqabayokulinda August 1

“Ucabanga ukuthi yini abantu abayidingayo ukuze bajabule? [Lindela impendulo, bese uvula uMathewu 5:3.] Lawa amazwi nje ambalwa uJesu awasho lapho ekhuluma ngenjabulo. Lesi sihloko siyachaza ukuthi yini esiyifundayo kuJesu ngendlela yokuthola injabulo yangempela.” Khulumela isihloko esiqala ekhasini 16.

Phaphama! August

“Amabhayisikobho amaningi namuhla aveza amademoni, abalumbi nabathakathi. Ingabe ucabanga ukuthi amademoni akhona ngempela? [Lindela impendulo, bese ufunda eyoku-1 Korinte 10:20.] Lesi sihloko sibonisa lokho okushiwo iBhayibheli ngamademoni nendlela esingazivikela ngayo kuwo.” Khulumela isihloko esiqala ekhasini 20.

INqabayokulinda September 1

Yisho indaba ethile esematheni endaweni, bese uthi: “Wake wazibuza ukuthi kungani abantu benza izinto ezimbi ngale ndlela? [Lindela impendulo.] IBhayibheli lisinika isizathu sethemba. [Funda eyesi-2 Petru 3:13.] Lo magazini ubonisa lokho okushiwo iBhayibheli ngezimbangela zobubi nokuthi maduze uNkulunkulu uzoziqeda kanjani izenzo ezinjalo.”

Phaphama! September

“Ingabe ucabanga ukuthi omakhalekhukhwini, ama-e-mail, izingosi zengevu nezinye izindlela zesimanje zokuxhumana nabantu ziyasiqeda isizungu noma zisenza sibhebhetheke? [Lindela impendulo.] Nakhu ukusikisela okungasisiza sibhekane nesizungu. [Funda izEnzo 20:35.] Lo magazini unikeza iseluleko esiwusizo esisekelwe eBhayibhelini.”