Ongakusho Ngomagazini

INqabayokulinda Nov. 1

“Ucabanga ukuthi ukube abesilisa nabesifazane bebesebenzisa iseluleko seBhayibheli, izibopho zomshado beziyoqina? [Funda uJobe 31:1 bese ulindela impendulo.] Lesi sihloko sixoxa ngezimiso zeBhayibheli ezingasiza abashadile ukuba balondoloze ukuzibophezela emshadweni.” Khulumela isihloko esiqala ekhasini 18.

Phaphama! Nov.

“Abantu abaningi bayavuma ukuthi ingcebo yezinto ezisolwandle iqedwa ngezinga elishaqisayo. Ingabe ucabanga ukuthi ohulumeni babantu bayophumelela ekuxazululeni le nkinga? [Lindela impendulo bese ufunda uMathewu 6:10.] Lesi sihloko sihlola ezinye zezizathu zokukhathazeka futhi siqokomisa nekhambi likaNkulunkulu.” Khulumela isihloko esiqala ekhasini 20.

INqabayokulinda Dec. 1

“Ngalesi sikhathi sonyaka, abantu abaningi bacabanga ngoJesu. Ucabanga ukuthi uJesu ube naliphi ithonya kuwe? [Lindela impendulo.] IBhayibheli lisikhuthaza ukuba silandele isibonelo sakhe. [Funda eyoku-1 Petru 2:21.] Ukwenza kanjalo kungasenza abantu abangcono nabajabulayo. Lo magazini uyachaza ukuthi kungani kunjalo.”

Phaphama! Dec.

“Sekungamakhulu eminyaka abantu bezibuza lo mbuzo. [Mbonise umbuzo osesembozweni.] Ucabanga ukuthi singayitholaphi impendulo enengqondo? [Lindela impendulo.] Qaphela ukuthi kungani singathembela kuNkulunkulu ukuze sithole impendulo. [Funda iHubo 100:3.] Lo magazini ubonisa lokho iBhayibheli elikushoyo ngale ndaba.”