Isihloko Sonyaka Ka-2012

“Izwi lakho liyiqiniso.”—JOH. 17:17.

Yeka indlela esibonga ngayo ngokuthi uBaba wethu osezulwini onothando usambulele iqiniso! IZwi lakhe lisibonisa indlela engcono kunazo zonke yokuphila nendlela yokukusebenzisa ngokunenzuzo. Lisivikela eminakweni eyize neyingozi, lisikhulule ekugqilazweni amanga enkolo futhi lisisize sithole ukuthula kwengqondo kwangempela. Lisenza siphile ukuphila okunenjongo manje, lisinike nethemba elihle ngekusasa.

Iqiniso lisihlanganisa nezigidi zabafowethu emhlabeni wonke. Ngaphezu kwakho konke, iqiniso leBhayibheli lisifundisa ngoJehova futhi lisibonise indlela esingasondela ngayo kuye. Masingalokothi sikuthathe kalula lokho uJehova asinike kona. Kwangathi singalijabulela iqiniso futhi silivumele lisiqondise kuzo zonke izindlela zethu.