Indlela Abashadile Abangasiqinisa Ngayo Isibopho Sabo Somshado

U-Abrahama noSaya bayisibonelo esihle sabantu abashadile ababethandana futhi behloniphana. (Gen 12:11-13; 1Pet 3:6) Nokho, umshado wabo wawunazo izinkinga okwakudingeka bazikhuthazelele. Yini abashadile abangayifunda esibonelweni sika-Abrahama noSara?

Xoxani. Phendula ngomoya omnene lapho oshade naye ekhulume kabi ngenxa yokucindezeleka noma ngenxa yokucasuka. (Gen 16:5, 6) Hlelani ukuba nesikhathi sokuba nodwa. Mtshele njalo oshade naye ukuthi uyamthanda, umbonise nangezenzo. Ngaphezu kwakho konke, gcinani uJehova esemshadweni wenu ngokutadisha, ukuthandaza nokukhulekela ndawonye. (Shu 4:12) Ukuba nesibopho esiqinile somshado kudumisa uJehova, uMsunguli waleli lungiselelo elingcwele.

BUKELA IVIDIYO ETHI INDLELA YOKUQINISA ISIBOPHO SOMSHADO, BESE UPHENDULA LE MIBUZO ELANDELAYO:

• Kule vidiyo iziphi izimpawu ezibonisa ukuthi uShaan noKiara babelokhu beqhelelana?

• Kungani kubalulekile ukuxoxa ngokukhululekile nangobuqotho?

• Isibonelo sika-Abrahama noSara simsize kanjani uShaan noKiara?

• Yiziphi izinyathelo ezathathwa uShaan noKiara ukuze baqinise isibopho sabo somshado?

• Kungani kungafanele ukuba indoda nomkayo bacabange ukuthi ngeke babe nazo izinkinga emshadweni?