“Ngilapha Ngoba . . . ”

Lapho abaninikhaya bevula iminyango yabo, basibone simi phambi kwabo, bangase bazibuze ukuthi singobani futhi sifunani. Yini esingayisho lapho sizethula ukuze bazizwe bekhululekile? Ngemva kokubingelela ngendlela evamile, abanye abamemezeli basebenzisa igama elithi “ngoba” lapho bechaza. Ngokwesibonelo, bangase bathi: “Sinihambele ngoba omakhelwane abaningi bakhathazekile ngobugebengu. Ucabanga ukuthi . . . ” noma “Ngilapha ngoba ngifundisa abantu iBhayibheli mahhala.” Uma umninikhaya etshelwa zisuka nje ukuthi kungani ulapho, angase athambekele ekukulaleleni lokho ozokusho.