Izintshumayelo Ezisikiselwe

Zokuqala Izifundo ZeBhayibheli NgoMgqibelo Wokuqala Ku-January

“Abanye abantu bakholelwa ukuthi iBhayibheli liyincwadi yesiprofetho enokwethenjelwa. Abanye banomuzwa wokuthi liqukethe izibikezelo eziyize ezingahunyushwa ngezindlela eziningi ezihlukahlukene. Wena uyini umbono wakho?” Lindela impendulo. Ngemva kwalokho nikeza umninikhaya INqabayokulinda ka-January 1, bese nixoxa ngendaba engaphansi kwesihlokwana esisekhasini 16 kanye nomBhalo owodwa okungenani. Mnikeze omagazini, bese wenza izinhlelo zokubuya nizoxoxa ngombuzo olandelayo.

INqabayokulinda January 1

“Kuningi esingakufunda emadodeni nabesifazane abavelele basendulo. Awuvumi? [Lindela impendulo.] Leli vesi likhuluma ngenye yalawo madoda avelele, okuwukuphela kwayo eBhayibhelini ebizwa ngokuthi ‘umngane kaNkulunkulu.’ [Funda uJakobe 2:23.] Lo magazini uyachaza ukuthi kungani uNkulunkulu ayibheka njengomngane wakhe, futhi ukhuluma nangalokho esingakufunda esibonelweni sika-Abrahama.”

Phaphama! January

“Ukufumbathisa, ukugwazela nezinye izindlela zokungathembeki sekwande kakhulu kwezamabhizinisi. Abanye banomuzwa wokuthi ukungathembeki ngezinga elithile ebhizinisini kudingekile ukuze uphumelele. Wena uthini? [Lindela impendulo.] Phawula lesi saga esishukumisa ingqondo. [Funda izAga 20:17.] Lo magazini uyachaza ukuthi kungani ukuba qotho kuzuzisa.”