ISimiso SeMihlangano Yenkonzo

PHAWULANI: INkonzo Yethu YoMbuso izoba nesimiso soMhlangano Wenkonzo wesonto ngalinye phakathi nezinyanga zomhlangano wesigodi. Amabandla angase enze ushintsho oludingekayo esimisweni ukuze akwazi ukuya eMhlanganweni Wesigodi othi “Ukuqondiswa Umoya KaNkulunkulu.” Uma kufaneleka, sebenzisani imizuzu engu-15 eMhlanganweni Wenkonzo wokugcina ngaphambi kokuya emhlanganweni wesigodi ukuze nibukeze izeluleko nezikhumbuzo ezithinta ibandla ezisesenezelweni se-Nkonzo Yethu YoMbuso ka-August. Enyangeni eyodwa noma ezimbili ngemva komhlangano wenu, yibani nemizuzu engu-15 kuya kwengu- 20 eMhlanganweni Wenkonzo (mhlawumbe nisebenzise ingxenye yezidingo zebandla) nibukeze amaphuzu omhlangano wesigodi abamemezeli abawathole ewusizo enkonzweni. Lokhu kubukeza kufanele kusingathwe umbonisi wenkonzo. Cela izilaleli ukuba zisho indlela ezikusebenzisa ngayo noma ezihlela ukukusebenzisa ngayo lokhu kwaziswa enkonzweni yazo.

Isonto Eliqala Ngo-November 10

INgoma 205

10 imiz: Izaziso zebandla. Hlanganisa nokukhulumela kombonisi wenkonzo mayelana nokwenziwe yibandla ekuhlanganiseni insimu ngepheshana elithi Ungathanda Yini Ukwazi Iqiniso? Njengoba kakade abamemezeli abaningi bebelokhu behambisa INqabayokulinda ka-November 1 ne-Phaphama! ka-November, cela izilaleli ukuba zisho ukuthi ziye zabahambisa kanjani lab’ omagazini kwaba nemiphumela emihle.

15 imiz: Hlakulela Umoya Onothando Nokupha. Inkulumo ngomdala esekelwe kuyi-Nqabayokulinda ka-November 15, 2008, amakhasi 6-7.

20 imiz: “Sinamagugu Esingawahlanganyela Nabanye.”a Lapho nicabangela isigaba 2, cela izilaleli zisho amaqiniso akhethekile eBhayibheli azikhanga ngenhlangano kaJehova noma eseziwaqonda kangcono kusukela zabhapathizwa.

INgoma 71

Isonto Eliqala Ngo-November 17

INgoma 80

10 imiz: Izaziso zebandla. IZaziso ezikhethiwe kuyi-Nkonzo Yethu YoMbuso.

15 imiz: IBhokisi Lemibuzo.b

20 imiz: “Ungaba Ngumfundisi!”c Xoxa nommemezeli noma iphayona elanqoba ukuzinyeza ukuze liqhube isifundo seBhayibheli. Wancika kanjani kuJehova ukuze athole usizo? Inhlangano imsize ngayiphi indlela eqondile ukuze afaneleke? Imiphi imivuzo ayitholile ngokuhlanganyela emsebenzini wokuqhuba izifundo zeBhayibheli?

INgoma 143

Isonto Eliqala Ngo-November 24

INgoma 217

10 imiz: Izaziso zebandla. Funda umbiko wezimali nezincwadi ezibonga iminikelo. Yisho isipho sango-December, bese kwenziwa umboniso ngentshumayelo eyodwa noma ezimbili.

20 imiz: Izidingo zebandla.

15 imiz: Lungiselela Ukuhambisa INqabayokulinda Ka-December 1 ne-Phaphama! Ka-December. Bukeza lab’ omagazini kafushane, bese ubuza izilaleli ukuthi iziphi izihloko ezingakhanga kakhulu ensimini yebandla. Yimiphi imibuzo nemiBhalo engase isetshenziswe ekwethuleni lezi zihloko? Makube nomboniso wokusetshenziswa kwentshumayelo eyisibonelo ekuyi-Nkonzo Yethu YoMbuso. Makube nomunye wabadala owenza umboniso wentshumayelo emfushane ayilungiselele esekelwe esihlokweni esingafaneleka ensimini yebandla.

INgoma 208

Isonto Eliqala Ngo-December 1

INgoma 84

10 imiz: Izaziso zebandla. Khumbuza abamemezeli ukuba balethe imibiko yenkonzo yasensimini ka-November.

15 imiz: Okuhlangenwe nakho kwasebandleni. Yazisa ibandla ukuthi ingakanani insimu ehlanganisiwe lapho kuhanjiswa ipheshana elithi Ungathanda Yini Ukwazi Iqiniso? Cela izilaleli zilandise okuhlangenwe nakho ezikujabulele lapho zihambisa leli pheshana noma zilisebenzisa ekuqaleni izifundo zeBhayibheli. Landisa nokuhlangenwe nakho okukhuthazayo okuphathelene nokuhambisa incwadi ethi Okufundiswa IBhayibheli ngo-November. Kungase kwenziwe umboniso ngokuhlangenwe nakho okukodwa noma okubili okuvelele.

20 imiz: “Qeqesha Abasanda Kuhlanganyela Ukuze Babhekane Nokuphikiswa.”d Lapho nicabangela isigaba 2, cabangela kafushane indlela ukwaziswa okusencwadini Ukubonisana ngaphansi kwesithi “OFakazi BakaJehova” okungabasiza ngayo abasafundelwa iBhayibheli ukuba baphendule imibuzo yezihlobo nabangane abakhathazekile.

INgoma 105

[Imibhalo yaphansi]