ISimiso SeMihlangano Yenkonzo

Phawulani: INkonzo Yethu YoMbuso izoba nesimiso soMhlangano Wenkonzo wesonto ngalinye phakathi nesikhathi somhlangano wesigodi. Amabandla angase enze ushintsho oludingekayo esimisweni ukuze akwazi ukuya eMhlanganweni Wesigodi ‘Wokulalela UNkulunkulu.’ Uma kufaneleka, sebenzisani imizuzu engu-15 eMhlanganweni Wenkonzo wokugcina ngaphambi kokuya emhlanganweni wesigodi ukuze nibukeze izeluleko nezikhumbuzo ezithinta ibandla ezisesenezelweni esikule Nkonzo Yethu YoMbuso. Enyangeni eyodwa noma ezimbili ngemva komhlangano, yibani nemizuzu engu-15 kuya kwengu-20 eMhlanganweni Wenkonzo (mhlawumbe nisebenzise ingxenye yezidingo zebandla) nibukeze amaphuzu avelele omhlangano wesigodi abamemezeli abawathole ewusizo enkonzweni yasensimini. Leyo nkulumo ekhethekile yoMhlangano Wenkonzo iyosinika ithuba lokuchaza indlela esikusebenzisa ngayo lokho esikufunde emhlanganweni wesigodi nendlela okusisize ngayo ukuba siphumelele kakhudlwana enkonzweni.

Isonto Eliqala Ngo-October 10

INgoma 17

10 imiz: Izaziso zebandla. Xoxani ngamalungiselelo ensimu engabelwe ahlelelwe impelasonto ka-October 29, 30, 2005. Bakhuthaze bonke ukuba baphume ngobuningi ohambweni lokugcina. IZaziso ezikhethiwe kuyi-Nkonzo Yethu YoMbuso. Sebenzisa ukusikisela okusekhasini 12 (uma kufaneleka ensimini yebandla) ukuze ubonise indlela yokuhambisa INqabayokulinda ka-October 15 ne-Phaphama! ka-November 8. Ngemva komboniso ngamunye, qokomisa izinto eziwusizo ezikulowo mboniso. Ngaphezu kwalokho, qokomisa izihloko ezingaphakathi kumagazini ezingase zibakhange abantu ensimini yebandla.

15 imiz: Ingabe Unomkhuba Omuhle Wokufunda? Ingxoxo nezilaleli esekelwe ezingxenyeni ezikhethiwe zencwadi ethi ISikole Senkonzo, amakhasi 21-6. Yini esingayihlanganisa esimisweni sethu sokufunda? (k. 21, ibhokisi) Kungani kubalulekile ukuba sifunde izincwadi esizilungiselelwe? (k. 23, isig. 2) Siyini isihluthulelo sokulondoloza isimiso esihle sokufunda? (k. 26, izig. 2-3) Usihlela kanjani isikhathi sokufunda INqabayokulinda ne-Phaphama!? Lokhu kuye kwakuzuzisa kanjani?

20 imiz: “Qhubeka Ukhuluma Izwi LikaNkulunkulu Ngesibindi.”a Cela izilaleli ziveze ukuthi kukuziphi izimo lapho kungaba yinselele khona ukuba nesibindi esidingekayo ukuze sishumayele. Yini eye yazisiza ukuba zikwazi ukushumayela?

INgoma 78 nomthandazo wokuphetha.

Isonto Eliqala Ngo-October 17

INgoma 36

10 imiz: Izaziso zebandla. IZindaba Ezingokwasezulwini. Usebenzisa ingxenye 3 yesenezelo se-Nkonzo Yethu YoMbuso ka-September 2005, bukeza iphuzu elilodwa noma amabili abonisa indlela esingaphumelela ngayo ukusebenzisa imiBhalo lapho siqhuba izifundo zeBhayibheli.

15 imiz: “Ingabe Uyazisebenzisa Izimemo?” Inkulumo nengxoxo nezilaleli. Cela izilaleli zilandise ngemiphumela emihle eziyithole ngokusebenzisa izimemo. Hlanganisa nomboniso omfushane wommemezeli omemela umuntu onesithakazelo emhlanganweni esebenzisa isimemo.

20 imiz: “Bonisa Isithakazelo Esiqotho—Ngokuba Nomusa.”b Cela izilaleli zisho indlela esingawubonisa ngayo umusa kwabanye lapho sisenkonzweni yasensimini. Ezinye izindlela esingabonisa ngazo isithakazelo esiqotho kulabo esishumayela kubo ziyocatshangelwa kuyi-Nkonzo Yethu YoMbuso esikhathini esizayo.

INgoma 2 nomthandazo wokuphetha.

Isonto Eliqala Ngo-October 24

INgoma 68

15 imiz: Izaziso zebandla. Funda umbiko wezimali nezincwadi ezibonga iminikelo. Usebenzisa ukusikisela okukodwa okusesenezelweni se-Nkonzo Yethu YoMbuso ka-January 2005 noma enye intshumayelo efanelekayo ensimini yenu, yenza umboniso wokuhambisa incwadi ezohanjiswa ngo-November.—Bheka INkonzo Yethu YoMbuso ka-January 2005, k. 8, isig. 5.

30 imiz: “Dumisa UJehova Ebandleni Elikhulu.”c Kufanele isingathwe unobhala webandla. Yisho umhlangano wesigodi ibandla elabelwe kuwo. Xoxani ngezigaba ezinezinombolo ngendlela okuqhutshwa ngayo iSifundo Se-Nqabayokulinda. Cela umfundi owabelwe ukuba afunde izigaba. Bukezani ibhokisi elithi “Esikukhunjuzwa Ngomhlangano Wesigodi.”

INgoma 153 nomthandazo wokuphetha.

Isonto Eliqala Ngo-October 31

INgoma 209

10 imiz: Izaziso zebandla. Khumbuza abamemezeli ukuba balethe imibiko ka-October yenkonzo yasensimini. Usebenzisa ukusikisela okusekhasini 12 (uma kufaneleka ensimini yenu), yenza imiboniso yokuhambisa INqabayokulinda ka-November 1 ne-Phaphama! ka-November 8. Komunye wale miboniso, makubekwe isisekelo sempindelo ngokuqokomisa ibhokisi elithi “Kumagazini Olandelayo.”—Bheka INkonzo Yethu YoMbuso ka-October 1998, k. 12, izig. 7-8.

15 imiz: Hlakulela Isithakazelo Ngomzila Kamagazini. Inkulumo nengxoxo nezilaleli esekelwe kuyi-Nkonzo Yethu YoMbuso ka-May 2005, ikhasi 8. Singawuqala kanjani umzila kamagazini? (isig. 1) Singazilungiselela kanjani izintshumayelo ezihlukahlukene ezinomBhalo owodwa? (isig. 3) Kungani kungafanele sigcine nje ngokufunda umBhalo esiwukhethile? (isig. 4) Umzila kamagazini ungaba kanjani isifundo seBhayibheli? (isig. 5) Hlanganisa nomboniso wommemezeli enikeza intshumayelo enomBhalo owodwa kothile osemzileni wakhe kamagazini.

20 imiz: Intsha Eqinile Kodwa Enenhlonipho. Inkulumo ngomdala esekelwe kuyi-Nqabayokulinda ka-September 15, 2002, amakhasi 23-4, ngaphansi kwesihlokwana esithi “Ukungahlanganyeli Ngenhlonipho.” Hlela kusengaphambili ukuba osemusha oyedwa noma ababili balandise ngezinselele abaye babhekana nazo esikoleni nokuthi yini eyabasiza ukuba bazinqobe.

INgoma 222 nomthandazo wokuphetha.

Isonto Eliqala Ngo-November 7

INgoma 39

5 imiz: Izaziso zebandla.

20 imiz: Thuthukisa Ukulalelisisa Kwakho Emihlanganweni. Inkulumo nengxoxo nezilaleli esekelwe kuyi-Nqabayokulinda ka-September 15, 2002, amakhasi 12-14, izigaba 11-14. Bukeza ukusikisela okwanikezwa, bese ucela izilaleli zisho ukuthi yini eye yazisiza ukuba zizuze ngokugcwele emihlanganweni yebandla.

20 imiz: “Thuthukisa Ikhono Lokubonisana Nabanye.”d Cela abamemezeli abathile balandise indlela abaye babonisana ngayo nabantu abanezizinda ezihlukahlukene ensimini yebandla.

INgoma 50 nomthandazo wokuphetha.

[Imibhalo yaphansi]