IZaziso

◼ Ngo-June: Hlalani Nilindile! Ngo-July nango-August: Noma iyiphi incwajana enamakhasi angu-32, ngaphandle kwezithi OFakazi BakaJehova Nemfundo, Igazi Lingakusindisa Kanjani Ukuphila Kwakho?, OFakazi BakaJehova—Bangobani? Yini Abayikholelwayo? nethi ‘Bona Izwe Elihle.’ Ngo-September: Ulwazi Oluholela Ekuphileni Okumi Phakade.

◼ Umtapo wezincwadi eHholo LoMbuso kufanele ube nekhophi yencwadi ethi Ukuhlelelwa Ukwenza Intando KaJehova. Ukwaziswa okwengeziwe ngemitapo yaseHholo LoMbuso kungatholakala kuyi-Nkonzo Yethu YoMbuso ka-April 2003, ikhasi 3 naseBhokisini Lemibuzo kuyi-Nkonzo Yethu YoMbuso ka-April 1997.

◼ Ngenxa yokukhula komkhaya waseBethel yaseNingizimu Afrika muva nje, kunesidingo esiphuthumayo somunye udokotela. Nakuba kutuswa ukuba abangashadile abaneminyaka ephakathi kuka-19 no-35 kube yibo abafaka isicelo, uma umzalwane oshadile noma umkakhe engudokotela, bengenazo izingane, yena nomkakhe bakhuthazwa ukuba basicabangele lesi sicelo. Kudingeka ngokuphuthumayo nodokotela wamazinyo wasikhathi sonke. Ukuze ufanelekele ukukhonza eBethel, kumelwe ube usuzinikezele futhi wabhapathizwa okungenani unyaka owodwa. Kumelwe ube umuntu ozinikele, othanda izinto ezingokomoya, ozimisele ukusebenza ngokuzikhandla, ophile kahle emzimbeni, engqondweni nangokomzwelo, futhi ube isakhamuzi saseNingizimu Afrika. Uma uneminyaka engaphezu kwengu-35 futhi unazo lezi zimfanelo, uvunyelwe ukucela isicelo saseBethel futhi usigcwalise bese usinika ikomiti yenkonzo yebandla lakini. Uma kungenjalo, shaya ucingo noma ubhalele igatsha ukuze uthole ukwaziswa okwengeziwe.

◼ Amakhasethi Amasha Atholakalayo:

Sondela KuJehova—ngesiNgisi

◼ Ama-DVD Amasha Atholakalayo:

Noah Walked With God—David Trusted in God—ngesiFulentshi, isiJalimane, isiJapane, isiNgisi, isiNtaliyane, isiPutukezi, isiRashiya neSpanishi (Zonke lezi zilimi zikuyi-DVD eyodwa.)

Troublesome Times and Boldly Witnessing—ngoLimi Lwezandla LwaseMelika