Siza Uye Ngokushesha

Uye ngokushesha kobani? Kulabo abacela ukuthunyelelwa izincwadi noma ukulethelwa omagazini njalo noma abangathanda ukuba omunye woFakazi abavakashele emakhaya. Zivelaphi lezi zicelo? Kubantu abathinta ihhovisi legatsha ngokulibhalela noma ngocingo noma ngengosi yethu ye-Internet esemthethweni. Uma kukhona umuntu obonisa isithakazelo esinjalo, ihhovisi legatsha lazisa ibandla lakuleyo ndawo lisebenzisa ifomu i-S-43, okuyipheshana elinesihloko esithi “Siza Ulandelele.” Ngokushesha nje lapho abadala bethola leli fomu i-S-43, kufanele balinikeze ummemezeli oyomlandelela ngenkuthalo lowo muntu obonise isithakazelo. Uma kunzima ukuba ummemezeli athole lowo muntu obonise isithakazelo, angase azame ukumthinta ngocingo noma abhale ipheshana alishiye endaweni elingeke libonakale kuyo kubantu abadlulayo. Uma ucelwa ukuba uye kumuntu onjalo, siza wenze konke okusemandleni ukuba umthinte ngokushesha.