ISimiso Semihlangano Yenkonzo

PHAWULA: INkonzo Yethu YoMbuso izohlela uMhlangano Wenkonzo wesonto ngalinye phakathi nezinyanga zomhlangano wesigodi. Amabandla angase enze ushintsho oludingekile ukuze akwazi ukuba khona eMhlanganweni Wesigodi ‘Wabamemezeli BoMbuso Abashisekayo.’ Uma kufaneleka, sebenzisani imizuzu engu-15 eMhlanganweni Wenkonzo ongaphambi kokuba niye emhlanganweni ukuze nibukeze iseluleko esiqondile esisesenezelweni sika-October esisebenza ebandleni lakini. Phakathi nenyanga ka-February 2003, kuyoba noMhlangano Wenkonzo wonke oyosetshenziselwa ukubukeza amaphuzu avelele omhlangano wesigodi. Ukuze siwulungiselele, sonke singabhala amaphuzu awusizo emhlanganweni, kuhlanganise nohlu lwamaphuzu esifuna ukuwasebenzisa ekuphileni kwethu siqu nasenkonzweni yasensimini. Khona-ke singachaza indlela esiye sakusebenzisa ngayo lokho kusikisela kusukela sibuyile emhlanganweni. Kuyoba okwakhayo komunye nomunye ukuzwa lowo nalowo kithi elandisa indlela azuza ngayo esiyalweni esihle esisitholile.

Isonto Eliqala Ngo-December 9

INgoma 193

15 imiz: Izaziso zebandla. IZaziso ezikhethiwe kuyi-Nkonzo Yethu YoMbuso. Usebenzisa ukusikisela okusekhasini 8, yiba nemiboniso yendlela yokuhambisa INqabayokulinda ka-December 15 ne-Phaphama! ka-December 8.

15 imiz: “Memezela Isigijimi SoMbuso.”a Lapho nixoxa ngesigaba 3, hlanganisa nokusikisela kwendlela esingafunda ngayo ngokuqondile eBhayibhelini lapho sishumayela izindaba ezinhle.—km-ZU 12/01 k. 1, isig. 3.

15 imiz: Labo Abanokuqondisisa Bayoqonda. (Dan. 12:3, 10) Umboniso. Umuntu othakazelayo uyabuza: “Ngingaqiniseka kanjani ukuthi nikuqonda ngokufanele lokho iBhayibheli elikufundisayo?” Ummemezeli uchaza indlela yokusebenzisa izihloko lapho wenza ucwaningo ngeBhayibheli. (w96-ZU 5/15 kk. 19-20) Esebenzisa isibonelo esisodwa noma ezimbili ezisencwadini Ukubonisana, amakhasi 364-9, ubonisa indlela esiye sayiqonda ngayo injongo kaNkulunkulu ngomhlaba ngokuhlaziya imiBhalo ngokucophelela. Ummemezeli uchaza indlela inqubo efanayo engasetshenziswa ngayo ukuze siziqonde ngokufanele ezinye izimfundiso zeBhayibheli abese esikisela isifundo seBhayibheli.

INgoma 119 nomthandazo wokuphetha.

Isonto Eliqala Ngo-December 16

INgoma 29

10 imiz: Izaziso zebandla. Umbiko wezimali. Chaza amalungiselelo akhethekile enkonzo yasensimini ahlelelwe u-December 25 no-January 1.

20 imiz: Thelani Izithelo Kuyo Yonke Imisebenzi Emihle. Inkulumo, nokuhlanganyela kwezilaleli. Kumelwe isingathwe umdala. Bukeza umlando nentuthuko yebandla, kuhlanganise nemizamo eyaholela ekumisweni kwaleli bandla. Hlela kusengaphambili ukuba abathile ababekhona ngaleso sikhathi balandise okuhlangenwe nakho okukhuthazayo. Cabangela amathemba okwanda okuqhubekayo, bese ubakhuthaza bonke ukuba basekele imisebenzi yebandla ngentshiseko.

15 imiz: Izidingo zebandla.

INgoma 154 nomthandazo wokuphetha.

Isonto Eliqala Ngo-December 23

INgoma 148

10 imiz: Izaziso zebandla. Usebenzisa ukusikisela okusekhasini 8, bonisa indlela yokuhambisa INqabayokulinda ka-January 1 ne-Phaphama! ka-January 8.

20 imiz: “Ingabe Uneqhaza Embikweni Onembile?”b Lapho nixoxa ngesigaba 2, hlanganisa namaphuzu asencwadini Ukuhlelelwa, amakhasi 106-8.

15 imiz: Okuhlangenwe nakho kwasebandleni. Cela ibandla lilandise okuhlangenwe nakho eliye lakujabulela lapho liya futhi libuya emhlanganweni wesigodi, lapho lisemhlanganweni wesigodi, noma lifakaza ngokwethukela emsebenzini, esikoleni, lapho liyothenga, nakwezinye izindawo.

INgoma 165 nomthandazo wokuphetha.

Isonto Eliqala Ngo-December 30

INgoma 152

10 imiz: Izaziso zebandla. Khumbuza abamemezeli ukuba banikeze umbonisi wabo weSifundo Sencwadi Sebandla imibiko yenkonzo yasensimini ka-December. Uma kuwukuthi ibandla lakini lizoshintsha izikhathi zemihlangano onyakeni omusha, bakhuthaze bonke ngomusa ukuba babe khona njalo lapho sekusebenza izikhathi ezintsha. Khulumela isipho sencwadi sango-January, uqokomise izincwadi ibandla elinazo esitokweni.

20 imiz: Sebenzisa Incwadi Ukubonisana Ukuze Unikeze Isikhuthazo. Ingxoxo nezilaleli. Wonke umuntu uyasidinga isikhuthazo sothando ngezikhathi ezithile. Ngakho-ke, kufanele sonke sisibone isidingo ‘sokukhuluma ngokududuzayo’ nabanye, kuhlanganise nabacindezelekile esihlangana nabo ensimini. (1 Thes. 5:14) Usebenzisa incwadi Ukubonisana, cela izilaleli zisho ukuthi yisiphi isikhuthazo esingokomBhalo ezingasihlanganyela nothile obhekene nokuvivinywa okuchazwe emakhasini 146-9. Sikisela ukuba ngamunye wethu azame ukukhuthaza othile noma nini lapho kuphakama isidingo.—Gal. 6:10.

15 imiz: “Ukuzuza Ezinkulumweni Zeningi.”c Kufanele isingathwe umbonisi owengamele noma umdala onakekela izinkulumo zeningi. Yenze isebenze ebandleni.

INgoma 147 nomthandazo wokuphetha.

Isonto Eliqala Ngo-January 6

INgoma 67

5 imiz: Izaziso zebandla.

20 imiz: “Khumbula Asebekhulile Abathembekile.”d Hlanganisa namaphuzu akuyi-Nqabayokulinda ka-August 1, 1994, ikhasi 29. Khulumela ilungiselelo lokuba ababuthaka babike isikhathi senkonzo yasensimini esisukela emizuzwini engu-15. Hlela ukuba abambalwa balandise okuhlangenwe nakho okubonisa indlela okubazuzisa ngayo ukuba nobudlelwane nabanjalo.

20 imiz: Ukungabi Namahloni Ngezindaba Ezinhle. (Roma 1:16) Osemusha uya kuyise ngenkinga ethile. Umadolonzima ukuziveza ukuthi ungomunye woFakazi BakaJehova ngoba wesaba ukugconwa ngontanga. Uyise ubonga osemusha ngokuthi uye wathembeka waveza le nkinga. Ubaba ulandisa indlela uPetru ake wasabela ngayo ngenxa yokucindezela kontanga. (Math. 26:69-74) Ubaba unikeza iseluleko esilandelayo: Akufanele nanini sibe namahloni ngokuthi singamaKristu. (Marku 8:38) Kuwusizo ukuziveza ukuthi unguFakazi esikoleni. Uma bazi, othisha abaningi bayozihlonipha izinkolelo zakho futhi ngeke bazame ukukuhilela ezintweni ongavumelani nazo. Intsha engenasimilo cishe ayinakukucindezela ukuba uziphathe ngokungafanele. Abanye ofunda nabo bayokuqonda kalula ukuthi kungani ukhetha ukungapholi nabobulili obuhlukile, ukungahlanganyeli emidlalweni yangemva kwesikole, noma kweminye imisebenzi eyenziwa ngemva kwesikole. Uma isikhathi sivuma, ubaba uxoxa nosemusha ngamaphuzu esihlokwana esithi “Ukuvuma Obala Ubuhlobo Bakho NoNkulunkulu” encwadini ethi Intsha Iyabuza, amakhasi 315-18. Osemusha uyabonga ngeseluleko esihle.

INgoma 79 nomthandazo wokuphetha.

[Imibhalo yaphansi]