ISimiso SeMihlangano Yenkonzo

Isonto Eliqala Ngo-July 8

INgoma 201

15 imiz: Izaziso zebandla. IZaziso ezikhethiwe kuyi-Nkonzo Yethu YoMbuso. Umbonisi wenkonzo uchaza amalungiselelo ensimu engabelwe. Bukeza incwadi ka-May 30, 2002, ephathelene nensimu engabelwe, izincwadi ezizohanjiwa, izinsuku zokuya, indawo ezosetshenzwa, indawo yokulala namalungiselelo okuhamba. Ingabe bakhona abangaba amaphayona asizayo? Amabandla angenakuya ensimini engabelwe kufanele ahlele ukusebenza insimu engasetshenzwa njalo. Usebenzisa ukusikisela okusekhasini 4, yiba nemiboniso emibili yendlela yokuhambisa INqabayokulinda ka-July 15 ne-Phaphama! ka-August 8. Embonisweni ngamunye, bonisa indlela ehlukile yokusingatha ovimba ingxoxo ngokuthi “SingamaKristu kakade lapha.”—Bheka incwadi Ukubonisana, ikhasi 19.

10 imiz: IBhokisi Lemibuzo. Inkulumo enikezwa ngumdala, abonise indlela ukwaziswa okusebenza ngayo ebandleni.

20 imiz: Ukuhleleka Ukuze Sifakaze Ngokwethukela. Ingxoxo nezilaleli esekelwe encwadini Ukuhlelelwa, amakhasi 93-4. Usebenzisa ukusikisela okusekhasini lokuqala lesenezelo se-Nkonzo Yethu YoMbuso ka-January 2002, yiba nemiboniso emibili noma emithathu emifushane yokufakaza ngokwethukela kumuntu esingamazi, kumakhelwane, esihlotsheni, noma kumuntu esijwayelene naye.

INgoma 139 nomthandazo wokuphetha.

Isonto Eliqala Ngo-July 15

INgoma 144

10 imiz: Izaziso zebandla. Umbiko wezimali.

15 imiz: Izidingo zebandla.

20 imiz: Izizathu Ezinhle Zokusebenzisa IBhayibheli Enkonzweni Yethu. Inkulumo nengxoxo nezilaleli. UJesu wayeyazi imiBhalo futhi wayeyisebenzisa njalo lapho efundisa. (Luka 24:27, 44-47) Wayengazisunguleli lokho ayekufundisa. (Joh. 7:16-18) Kubalulekile ukuba nathi sisebenzise iZwi likaNkulunkulu. Linamandla kunanoma yini thina esingase siyisho. (Joh. 12:49, 50; Heb. 4:12) Abantu abaqotho bakhangwa yinduduzo nethemba okusemiBhalweni. Zibekele umgomo wokufunda okungenani ivesi elilodwa leBhayibheli entshumayelweni yakho. Veza ukuthi izintshumayelo zokuhambisa umagazini kule nyanga zinemibhalo. Cela izilaleli ukuba zisho ukuthi ziye zalisebenzisa kanjani iBhayibheli enkonzweni nomphumela lokhu okuye kwaba nawo kuzo ngokwazo nakulabo eziye zabashumayeza.

INgoma 215 nomthandazo wokuphetha.

Isonto Eliqala Ngo-July 22

INgoma 47

10 imiz: Izaziso zebandla. Umzali osebenza nengane yakhe enkonzweni babonisa indlela yokusebenzisa ukusikisela okusekhasini 4 ukuze bahambise umagazini ka-August 1 noka-August 8. Omunye uhambisa INqabayokulinda, omunye ahambise i-Phaphama! Khuthaza abazali ukuba baqhubeke beqeqesha izingane zabo enkonzweni.

17 imiz: Ungathini Kumuntu Obuza Ngenkolo YamaSulumane? Inkulumo nomboniso. Usebenzisa incwadi ethi Ukufuna Kwesintu UNkulunkulu, isahluko 12, chaza kafushane ukufana okukhona phakathi kweBhayibheli neKoran. (Bheka ibhokisi elisekhasini 285.) Bonisa umehluko phakathi kwemfundiso yamaSulumane ngomphefumulo (amakhasi 297-300) nencazelo yeBhayibheli. (Bheka umbhalo waphansi ekhasini 299.) Usebenzisa incwadi Ukubonisana, amakhasi 377-82, bonisa indlela yokuchazela osanda kuthakazela lokho iBhayibheli elikushoyo ngomphefumulo.

18 imiz: Ngingazigwema Kanjani Izingozi Ze-Internet? Inkulumo nengxoxo nezilaleli esekelwe kuyi-Phaphama! ka-January 22, 2000, amakhasi 19-21. Bonisa izihibe zokusebenzisa i-Internet ngokungalinganiseli, futhi uchaze indlela yokugwema ukubanjwa ugibe lwayo. Cela izilaleli ukuba zisho indlela eziye zazuza ngayo ngokusebenzisa lesi seluleko.

INgoma 61 nomthandazo wokuphetha.

Isonto Eliqala Ngo-July 29

INgoma 54

10 imiz: Izaziso zebandla. Khumbuza abamemezeli ukuba banikeze umbonisi wabo wesifundo sencwadi sebandla imibiko yenkonzo yasensimini ka-July. Chaza amalungiselelo okugcina ensimu engabelwe ezoqala ngo-August 1, 2002.

10 imiz: “Isimiso Esisha SoMhlangano Wesifunda.” Inkulumo. Yisho izinsuku zomhlangano wesifunda olandelayo. Bakhuthaze bonke ukuba babe khona esimisweni futhi balalelisise. Khuthaza abamemezeli abangabhapathiziwe ukuba bacabangele ukufanelekela ubhapathizo. Masenze umzamo okhethekile wokumema esibafundela iBhayibheli.

25 imiz: “Hlanganiswani Ndawonye Ngokuvumelana.”a Lapho nixoxa ngesigaba 3, hlanganisa amaphuzu akuyi-Phaphama! ka-April 22, 2000, amakhasi 9-10. Esigabeni 4, hlanganisa namaphuzu e-Nqabayokulinda ka-April 1, 1995, amakhasi 16-17, izigaba 4-6.

INgoma 81 nomthandazo wokuphetha.

Isonto Eliqala Ngo-August 5

INgoma 38

10 imiz: Izaziso zebandla.

20 imiz: “Ukuqoqa Abantu Bazo Zonke Izilimi.”b Hlanganisa namaphuzu e-Nqabayokulinda ka-April 1, 2002, ikhasi 24. Uma kusebenza ebandleni lakini, chaza ngamafuphi ukuthi kwenziwani ukuze kusizwe abantu abasensimini yebandla abakhuluma ezinye izilimi, bese wenza umboniso ngentshumayelo esesigabeni 4.

15 imiz: Okuhlangenwe nakho ebandleni okufanele kuhlelwe kusenesikhathi. Cela izilaleli ukuba zilandise okuhlangenwe nakho okwakhayo ngokuqondene nokuya emhlanganweni wesifunda noma emhlanganweni wosuku olukhethekile, ukuba iphayona elisizayo, ukwakha amaHholo OMbuso, noma ukuhlanganyela kweminye imisebenzi engokomoya.

INgoma 184 nomthandazo wokuphetha.

[Imibhalo yaphansi]