ISimiso SeMihlangano Yenkonzo
Isonto Eliqala Ngo-June 12
INgoma 136
8 imiz: Izaziso zebandla. IZaziso ezikhethiwe kuyi-Nkonzo Yethu YoMbuso.
15 imiz: “Umshikashika Wenu Awulona Ize.” Isethulo sibe ngaphansi komzuzu, kulandele ingxoxo yemibuzo nezimpendulo. Hlanganisa nokukhulumela okuhlangenwe nakho okulandiswe kuyi-Nqabayokulinda ka-June 15, 1996, ikhasi 32.
22 imiz: Ukuqala Izifundo Ngencwajana Ethi, Yini UNkulunkulu Ayifunayo? Inkulumo, ebukeza isihloko esikuyi-Nkonzo Yethu YoMbuso ka-January 1999, ikhasi 4. Makube nomboniso wentshumayelo esikiselwe esigabeni 6. Yiba nommemezeli oyedwa noma ababili balandise kafushane ngempumelelo abaye baba nayo ekuqaleni izifundo, basho nokuthi basisikisela kanjani isifundo nokuthi benzani ukuze basigcine siqhubeka masonto onke.
INgoma 209 nomthandazo wokuphetha.
Isonto Eliqala Ngo-June 19
INgoma 14
12 imiz: Izaziso zebandla. Umbiko wezimali nesaziso sokubalwa kwezimali kukanyanga ntathu. Uma ibandla linencwadi ethi Intsha Iyabuza noma ethi Ubusha Bakho esitokweni, yiba nomboniso wokuthi zingasetshenziswa kanjani ngokunenzuzo phakathi namaholide esikole lapho kunamathuba amakhulu okuthola intsha emakhaya.
8 imiz: IBhokisi Lemibuzo. Inkulumo enikezwa umdala.
25 imiz: “Ngingakwazi Kanjani . . . Ngaphandle Kokuba Othile Angiqondise?” Ingxoxo yemibuzo nezimpendulo eqhutshwa umbonisi wenkonzo. Makufundwe isigaba ngasinye, bese kufundwa imibhalo esezigabeni 3, 4 no-7. Lapho nihlanganisa isigaba 6, chaza indima efezwa umbonisi wenkonzo ekunqumeni ukuthi izifundo zeBhayibheli eziqhutshelwa abantu ababhapathiziwe kumelwe zivuselelwe yini noma cha.—Bheka iBhokisi Lemibuzo elikuyi-Nkonzo Yethu YoMbuso ka-November 1998.
INgoma 89 nomthandazo wokuphetha.
Isonto Eliqala Ngo-June 26
INgoma 39
10 imiz: Izaziso zebandla. Khumbuza abamemezeli ukuba bafake imibiko yenkonzo yasensimini ka-June. Bukeza isipho sencwadi sango-July. Babonise izincwajana ezingangomagazini ezindala ezikhona ebandleni, bese uphawula kafushane injongo yencwajana ngayinye. Yiba nomboniso olungiselelwe kahle obonisa indlela yokuhambisa enye yazo enkonzweni.
17 imiz: “Yiba Nesandla Esivulekile, Ulungele Ukupha Abanye.” Imibuzo nezimpendulo. Hlanganisa nezizathu ezine zokuthi siyini “Isizathu Sokuba Siphe” kuyi-Nqabayokulinda ka-November 1, 1996, amakhasi 29-30.
18 imiz: Yazi Indlela Yokuphendula. (Kol. 4:6) Inkulumo nengxoxo nezilaleli. Wenzenjani uma uhlangana nomuntu ophakamisa impikiswano engavumelani nemibhalo? Incwadi Ukubonisana ngokuvamile iwusizo ngokukunikeza ukusikisela okusebenzisekayo kwendlela yokunikeza impendulo engacunuli. Ngokwesibonelo, nakuba ukufa sikubheka njengesitha esiyonqotshwa ngesihlengo sikaKristu, abanye abakholelwa ukuthi kukhona okuyoke kuqede lesi sitha kangangokuba baze bakholelwe nayimfundiso engamanga yokuphindukuzalwa. Xoxani ngendlela yokubaphendula enikezwe encwadini Ukubonisana kwesithi “Uma Umuntu Ethi—” esisemakhasini 279-80 no-323. Bakhuthaze bonke ukuba bayiphathe le ncwadi enkonzweni yasensimini.
INgoma 44 nomthandazo wokuphetha.
Isonto Eliqala Ngo-July 3
INgoma 213
10 imiz: Izaziso zebandla. Cela abamemezeli abaqale izifundo ngencwajana ethi Yini UNkulunkulu Ayifunayo? ukuba balandise ukuthi bakwenze kanjani. Xoxani ngesithi “Ukukhonza Lapho Kunendingeko Enkulu Khona.” Khuthaza labo izimo zabo ezibavumelayo ukuba bakucabangele ngomthandazo ukuthuthela kwelinye lala madolobha.
15 imiz: Izidingo zebandla.
20 imiz Ukusebenzisa Izimiso ZeBhayibheli Kuqinisa Ukuphila Komkhaya. Ingxoxo phakathi kwabazalwane ababili, esekelwe emaphuzwini angu-8 ahlanganiswe encwadini Ukubonisana amakhasi 389-90. Chaza ukubaluleka kokusiza abafundi beBhayibheli ukuba bafunde ukuthi imfihlo yenjabulo yomkhaya isekuqondeni nasekusebenziseni izimiso zeZwi likaNkulunkulu. Usebenzisa isifundo 8 encwajaneni ethi Yini UNkulunkulu Ayifunayo?, yiba nomboniso wokuthi lokhu kungenziwa kanjani. Imikhaya esilalelayo iseluleko seBhayibheli iyasondelana futhi ithole injabulo eyengeziwe ngenxa yokuba nothando nobunye. Landisa okuhlangenwe nakho okusencwadini ethi Injabulo Yomkhaya, isahluko 13, izigaba 1, 21-2.
INgoma 51 nomthandazo wokuphetha.