ISimiso SoMhlangano Wenkonzo
Isonto Eliqala Ngo-January 10
INgoma 107
15 imiz: Izaziso zebandla. IZaziso ezikhethiwe ezikuyi-Nkonzo Yethu YoMbuso.
15 imiz: “Ukwenza Igama LikaJehova Laziwe Emhlabeni Wonke.” Ingxoxo yemibuzo nezimpendulo. Hlanganisa nokukhulumela okumayelana nokufakaza ngokwethukela okusencwadini ethi Ukuhlelelwa, amakhasi 93-4.
15 imiz: “Funda IZwi LikaJehova Nsuku Zonke!” Inkulumo nengxoxo nezilaleli. Khuthaza wonke umuntu ukuba ayisebenzise ngokunenzuzo incwajana ethi Ukuhlola ImiBhalo Nsuku Zonke—2000. Hlanganisa nokukhulumela okusesanduleleni, emakhasini 3-4. Cela ukuba abamemezeli balandise indlela abenza ngayo umzamo okhethekile wokufunda itekisi nokukhulunyelwa kwalo usuku ngalunye.
INgoma 155 nomthandazo wokuphetha.
Isonto Eliqala Ngo-January 17
INgoma 12
10 imiz: Izaziso zebandla. Umbiko wezimali.
15 imiz: Izidingo zebandla.
20 imiz: “Sebenzisa Amapheshana Ukuze Uqale Izingxoxo.” Bukeza noma yimaphi amapheshana amane enivame ukuwasebenzisa ensimini. Phakamisa umbuzo ophendulwa yipheshana ngalinye. Cela ukuba izilaleli zisikisele ukuthi lo mbuzo ungasetshenziswa kanjani ukuze kuqalwe ingxoxo futhi uma kungenzeka, uholele esifundweni seBhayibheli. Makube nomboniso wokuthi lokhu kungenziwa kanjani ngamabili ala mapheshana.
INgoma 57 nomthandazo wokuphetha.
Isonto Eliqala Ngo-January 24
INgoma 110
15 imiz: Izaziso zebandla nokuhlangenwe nakho kwasenkonzweni yasensimini.
30 imiz: “Ilungiselelo Elenziwe Lula Lokuhambisa Izincwadi.” Umdala ofanelekayo uxoxa nezilaleli ngokwaziswa okukulesi sihloko. Umdala angahlanganisa namaphuzu asencwadini evela eNhlanganweni ka-October 15, 1999. Makube nomboniso owenziwa iphayona elilungiselele kahle noma ummemezeli ongumakad’ ebona obonisa indlela ukwaziswa okukule nkulumo okungase kusetshenziswe ngayo enkonzweni yasensimini. Esebenzisa omunye womagazini bamuva abazobe behanjiswa kule mpelasonto, ummemezeli uhilela umninikhaya endabeni ekwezinye zalezi zihloko. Njengoba ummemezeli embonisa iphuzu elithile elikumagazini, umninikhaya uthi: “Kuyathakazelisa.” Ummemezeli uthi: “Ngingajabula ukukushiyela lo magazini ukuze ufunde lesi sihloko nezinye ezikuwo.” Umninikhaya uyabuza: “Babiza malini lab’ omagazini?” Ummemezeli uyaphendula: “Asizithengisi izincwadi zethu, kodwa uma ungathanda ukwenza umnikelo omncane wokusekela umsebenzi wethu wokufundisa ngeBhayibheli emhlabeni wonke, singawujabulela.” Umninikhaya ukhipha umnikelo futhi ummemezeli uvula imvilophu yemali yomsebenzi womhlaba wonke ukuze ayifake ngokuqondile kuyo. Uyabonga ngomnikelo okhishiwe futhi uthi uzomlethela abanye omagazini abalandelayo. Umboniso wesibili omfushane, ubonisa indlela ummemezeli akwenza ngayo ukungamshiyeli incwadi umninikhaya ngenxa yokuthi nakuba evuma ukuxoxa, akanaso ngempela isithakazelo esigijimini soMbuso. Ushiyela umninikhaya ipheshana. Umboniso wesithathu omfushane, ubonisa ukuthi angashiyelwa kanjani ipheshana umuntu onesithakazelo esiqotho kodwa osematasa futhi okubonakala sengathi ngeke kulunge ukuchaza ngaleso sikhathi ukuthi umsebenzi wethu womhlaba wonke usekelwa kanjani. Ummemezeli uthembisa ukuthi uzobuya ngesinye isikhathi esifanele. Lapho ephinda ebuya, uyozama ukuthola ukuthi umninikhaya unesithakazelo ngempela yini emsebenzini wethu futhi uma kunjalo, achaze ngenkonzo esiyenzayo nanokuthi umsebenzi usekelwa kanjani.
INgoma 157 nomthandazo wokuphetha.
Isonto Eliqala Ngo-January 31
INgoma 16
15 imiz: Izaziso zebandla. Bakhumbuze bonke ukuba balethe imibiko yabo yenkonzo yasensimini ka-January. Yisho isipho sencwadi ngo-February: incwadi ethi Injabulo Yomkhaya. Makube nomboniso obonisa indlela imibuzo emithathu ebhokisini elisekhasini 12 lencwadi engase isetshenziswe ngayo njengendlela yokufaka umuntu engxoxweni.
30 imiz: Lungiselela Manje Ukusekela Umthetho KaNkulunkulu Ngegazi. Umdala ofanelekayo uxoxa ngokubaluleka kokugcwalisa ikhadi i-Advance Medical Directive/Release. Ngemva kwalo mhlangano, oFakazi ababhapathiziwe bangathola ikhadi elisha i-Advance Medical Directive/Release, kanti labo abanezingane ezincane ezingakabhapathizwa bangathola i-Identity Card yengane ngayinye. La makhadi ngeke agcwaliswe namuhla. Kufanele agcwaliswe ngokucophelela ekhaya kodwa ANGASAYINWA. Ukusayina kwakho nokofakazi kanye nokubhala usuku kuwo wonke amakhadi kuyokwenziwa ngemva kweSifundo Sencwadi Sebandla esilandelayo, ngosizo lomqhubi wesifundo sencwadi uma kudingekile. Ngaphambi kokuba usayine, qiniseka ukuthi amakhadi agcwaliswe ngokugcwele. Labo abasayina njengofakazi kufanele bambone mathupha umninikhadi elisayina. Ngokwenza okushiwo kuleli khadi kuvumelane nezimo zabo kanye nezinkolelo zabo, abamemezeli abangabhapathiziwe bangazibhalela esabo isiqondiso abayosisebenzisa bona nezingane zabo. Abaqhubi bezifundo zencwadi kufanele baqiniseke ukuthi bonke ababelwe emaqenjini abo balutholile usizo abaludingayo lokugcwalisa ikhadi i-Advance Medical Directive/Release. Ukuze uthole eminye imininingwane, bheka incwadi enanibhalelwe yona ka-October 15, 1992. Xoxani ngamaphuzu afanelekayo aseBhokisini Lemibuzo le-Nkonzo Yethu YoMbuso ka-September 1999. Khuthaza abazalwane ukuba balandele iziqondiso zokuba bazigcine efayilini zonke izihloko ezishiwo kuleli Bhokisi Lemibuzo elingenhla. Futhi manje seningahlanganisa ne-Phaphama! ka-January 8, 2000.
INgoma 60 nomthandazo wokuphetha.
Isonto Eliqala Ngo-February 7
INgoma 113
10 imiz: Izaziso zebandla.
15 imiz: Impendulo Yombuzo Omayelana ‘Nokuphawula.’ Inkulumo enikezwa umdala, esekelwe kuyi-Nqabayokulinda ka-July 15, 1999, amakhasi 29-31.
20 imiz: Indlela Yokusiza Abanye Babone Inkolo Yeqiniso. Ingxoxo phakathi kwenceku ekhonzayo efanelekayo nabamemezeli abanekhono ababili noma abathathu ngendlela abantu abangase bahlabeke ngayo umxhwele ngoFakazi BakaJehova kodwa bangawuqondi ngokucacile umehluko phakathi kwenkolo yethu nezinye. Bukeza amaphuzu ayishumi ahlanganiswe ekhasini 20 le-Phaphama! ka-May 8, 1995. Chaza ukuthi ukwazi la maqiniso kungamsiza kanjani umuntu oqotho ukuba abone umehluko phakathi kokukhulekela kweqiniso nokwamanga nesidingo sokufunda kubantu bakaJehova nokuhlanganyela nathi.
INgoma 182 nomthandazo wokuphetha.