IMihlangano Yenkonzo Ka-June
Isonto Eliqala Ngo-June 2
INgoma 181
8 imiz: Izaziso zebandla. IZaziso ezikuyi-Nkonzo Yethu YoMbuso ezisebenzayo ebandleni. Khulumela umbiko wenkonzo yasensimini wanyanga zonke wezwe nowebandla. Khumbuza abamemezeli ukuba bawubike ngokushesha umbiko wabo wenkonzo yasensimini wango-May. Unobhala kanye nabaqhubi bezifundo kufanele baqikelele ukuba ifakwe yonke imibiko yenkonzo yasensimini engakafakwa yezinyanga ezidlule.
15 imiz: “Yenzani Konke Okusemandleni Enu.” Imibuzo nezimpendulo.—Bheka ne-Nqabayokulinda ka-April 15, 1993, amakhasi 28-30.
22 imiz: “Ulwazi Oluvela KuNkulunkulu Luphendula Imibuzo Eminingi.” Usihlalo uxoxa ngalesi sihloko nabamemezeli ababili noma abathathu, kuhlanganise nosemusha. Khulumelani isigaba 1, nigcizelele ukuthi kungani incwadi Ulwazi iphumelela kangaka ekusisizeni ukuba siphendule imibuzo. Makube nomboniso wokuprakthiza, bese unikeza ukusikisela kokuthuthukisa embonisweni ngamunye.
INgoma 200 nomthandazo wokuphetha.
Isonto Eliqala Ngo-June 9
INgoma 189
10 imiz: Izaziso zebandla. Umbiko wezimali. Chaza amalungiselelo akhethekile enkonzo yasensimini ngo-June 16.
15 imiz: Ungaba Nengxenye Enkudlwana Yini Enkonzweni Ezinyangeni Ezizayo? Inkulumo nengxoxo nezilaleli. Abaningi bethu bahlela ukwenza imisebenzi eyengeziwe ngezinyanga zamaholide asebusika, ingahlanganisa ukuthatha iholide, ukuvakashela izihlobo noma ukujabulela ukuzilibazisa. Singazihlela kanjani izinto ngendlela yokuba singayidebeseleli imisebenzi engokwasezulwini? Xoxani ngalokhu okulandelayo: (1) Ukuba khona njalo emihlanganweni yebandla, kungakhathaliseki ukuthi usekhaya noma uvakashile. (2) Ukuhlela ukuhlanganyela njalo enkonzweni, futhi uma ungekho ekhaya, ukuthumela imibiko yenkonzo yasensimini ebandleni. (3) Ukuphatha izincwadi ezithile zokufakaza ngokwethukela lapho usohambweni. (4) Ukuhlanganyela ekufakazeni ntambama noma kusihlwa, uma kungenzeka. (5) Ukubhalisa njengephayona elisizayo inyanga eyodwa noma ngaphezulu, ikakhulukazi phakathi nomkhankaso wensimu engabelwe. (6) Abadala bagcine imisebenzi yebandla ihlelekile futhi baqikelele ukuthi umsebenzi ngamunye owabelwe othile uyanakekelwa uma engekho.
20 imiz: Ukufundisa Abanye—Isidingo Esiphuthumayo. Inkulumo enikezwa umdala. Bukeza umbiko wenkonzo womhlaba wonke ka-1996 osekhasini 33 le-Ncwadi Yonyaka Ka-1997. Umzamo wenkuthalo wokufakaza kubantu noma kuphi lapho betholakala khona uthela izithelo. Isidingo esiphuthumayo manje esokulandelela abantu esabahambisela izincwadi nokubafundisa iqiniso. Uma sihlangana nabo ezindaweni zomphakathi, ngokuhlakanipha buza igama nekheli ukuze ukwazi ukuphindela kubo. Kudingeka senze okungaphezu nje kokutshala imbewu yoMbuso; kufanele siyinisele futhi. (1 Kor. 3:6-8) Uma imbewu itshalwe emhlabathini omuhle, ukufundisa okuhle kungamsiza umuntu ukuba athole umqondo wako. (Math. 13:23) Kufanele sihlanganyele ngokugcwele nangobuciko ngangokusemandleni emsebenzini wokufundisa. (Heb. 5:12a) Hlanganisa namaphuzu asesenezelweni se-Nkonzo Yethu YoMbuso ka-June, 1996, izigaba 25-6. Gcizelela ukuba kwenziwe umzamo wokuqala izifundo ngencwajana ethi Yini UNkulunkulu Ayifunayo? noma incwadi ethi Ulwazi.
INgoma 204 nomthandazo wokuphetha.
Isonto Eliqala Ngo-June 16
INgoma 192
10 imiz: Izaziso zebandla. Sikisela amaphuzu angase akhulunyelwe akomagazini bamuva.
15 imiz: Izidingo zebandla.
20 imiz: Ukuhlola Ukuze Ubone Ukuthi Inkolo Yakho Eyiqiniso Yini Noma Eyamanga. Umdala uba nengxoxo nabamemezeli ababili noma abathathu abanekhono, esekelwe kuyi-Phaphama! ka-January 8, 1990, ikhasi 26. Abantu abaningi ababonakala beqotho bahanjelwa ngokuphindaphindiwe. Nokho, abasamukeli isifundo seBhayibheli. Xoxani ngokuthi amaphuzu akulesi sihloko se-Phaphama! angase asetshenziswe kanjani ukuze benziwe baqaphele isidingo sokuthatha izinyathelo ezivumelana nolwazi olunembile. Bhekiselani emaphuzwini ayinhloko asencwadini Ulwazi, isahluko 5: “Ukukhulekela Kobani UNkulunkulu Akwamukelayo?” Fundani isigaba 20. Kungase kuphindelwe kubantu abanjalo ukuze bakhuthazwe ngomusa nangokuhlakanipha ukuba bamukele isifundo futhi babe khona emihlanganweni.
INgoma 201 nomthandazo wokuphetha.
Isonto Eliqala Ngo-June 23
INgoma 193
10 imiz: Izaziso zebandla.
15 imiz: Bathini Ngathi? Inkulumo esekelwe ekwazisweni okukuyi-Watch Tower Publications Index 1986-1995, amakhasi 341-3. Khetha okuvelele kulokho okushiwo abantu ngoFakazi BakaJehova kwesithi “Statements by Others”—ngokuziphatha kwethu nangomsebenzi wethu. Yisho indlela abanye okuye kwabahlaba umxhwele ngayo lokho abakubona kithina. Chaza ukuthi kungani lokhu kufanele njalo kusishukumisele ukuba siziphathe kahle futhi siphikelele emsebenzini wethu. Bonisa ukuthi singazisebenzisa kanjani lezi zinkulumo ezinhle ezishiwo abantu lapho sixoxa nesibajwayele kanye nabantu abathakazelayo abafuna ukwazi okwengeziwe ngathi.
20 imiz:“Bazali—Qeqeshani Abantwana Benu Ukuba Bashumayele.” Imibuzo nezimpendulo. Hlanganisa nesiqondiso esisencwadini ethi Ukuhlelelwa, amakhasi 99-100, ngaphansi kwesihlokwana esithi “Ukusiza Abantwana.”
INgoma 211 nomthandazo wokuphetha.
Isonto Eliqala Ngo-June 30
INgoma 197
10 imiz: Izaziso zebandla. Bakhumbuze bonke ukuba bafake umbiko wenkonzo yasensimini ka-June.
20 imiz: “Basha—Iyini Imigomo Yenu Engokomoya?” Obaba ababili baxoxa ngalesi sihloko. Bacabanga ngendlela abangasiza ngayo izingane zabo ukuba ziqaphele ukubaluleka kokubeka imigomo engokwasezulwini, ezoletha izibusiso ezingokomoya, kunokuphishekela izithakazelo zezinto ezibonakalayo.—Bheka nencwadi ethi Ukuhlelelwa, amakhasi 116-18.
15 imiz: Ukulungiselela Isipho Sencwadi Sango-July. Khetha incwajana engangomagazini eyodwa noma ezimbili eziye zamukelwa kahle ensimini yenu, bese ubukeza amaphuzu athile avelele asencwajaneni ngayinye. Sikisela izindlela ezingase zihlanganiswe ngayo nentshumayelo. Bakhumbuze bonke ukuba bagcine umbhalo omuhle walokho abakuhambisayo, bese bebuyela ukuyohlakulela isithakazelo.
INgoma 109 nomthandazo wokuphetha.