Sebenzani Insimu Yenu Ngokungashwampuluzi
1 Ezindaweni ezihlala abantu ngezikhathi ezithile sithola indawo encane yamabhizinisi, njengesitolo sokudla, indawo yokudlela, noma isitolo esidayisa yonke into. Ukuze lamabhizinisi ahlanganiswe nayo yonke lensimu, kufanele niwahambele ngendlela efanayo neyokuhambela imizi yabantu.
2 Ungasebenzisa intshumayelo elula, emfushane, mhlawumbe uthi: “Nginokuthile engithanda ukukubonisa khona.” Uma umnikazi wesitolo ebonakala ematasa ngaleso sikhathi, ungase nje uhambise ipheshana bese uthi: “Ngiyodlula futhi uma ungematasa. Ngingathanda ukwazi ukuthi ucabangani ngalo.”
3 Asikho isidingo sokuzizwa umadolo nzima ngokwenza lomsebenzi. Omunye ummemezeli wabika: “Ngangilindele ukuba bangasabeli kahle. Kodwa ngamangala, basabela ngendlela ehlukile esigijimini soMbuso. Babemnene ngempela futhi benobungane futhi cishe bonke babamukela omagazini.”
4 Owesifazane othile osebenza enkampanini edayisa izindlu nemihlaba wabangenisa ehhovisi lakhe oFakazi. Wabamukela omagazini wabe esebonisa isithakazelo ekubeni nesifundo seBhayibheli. Waboniswa incwadi ethi Ulwazi, futhi isifundo saqalwa khona lapho, khona kanye ehhovisi!
5 Isabelo sokusebenza insimu yenu ngokungashwampuluzi sihlanganisa nokuhambela abantu abaqhuba amabhizinisi kuleyo ndawo. (IzE. 10:42) Hlelani ukuhambela lezi zindawo ngendlela nje efana neyokuhambela imizi yabantu. Lokhu ngeke nje kunenze ukuba niyihlanganise kangcono insimu yenu kodwa ningase nivuzwe ngokuhlangenwe nakho okujabulisayo!