Imihlangano Yenkonzo Ka-May
Isonto Eliqala Ngo-May 1
INgoma 43
10 imiz: Izaziso zebandla neZaziso eziku-Nkonzo Yethu YoMbuso ezisebenzayo ebandleni. Yazisa ibandla ngamalungiselelo enkonzo yasensimini angesikhathi samaholide ngo-May. Njengoba sinomgomo wenani elisha eliphakeme labamemezeli ngo-April, siza ubakhumbuze bonke, kuhlanganise nabamemezeli abangakabhapathizwa abasanda kuhlanganyela, ukuba balethe imibiko yabo yango-April yenkonzo yasensimini kungakephuzi. Unobhala nabaqhubi bezifundo zencwadi kufanele nabo baqikelele ukuthi iyalethwa yonke imibiko yenkonzo yasensimini yezinyanga ezidlule ebingakalethwa.
15 imiz: “Izindaba Ezinhle Zabamnene.” Xoxa ngalesisihloko nezilaleli, bese kwenziwa umboniso wentshumayelo eyodwa noma ezimbili.
20 imiz: “I-Kingdom News Ekhethekile Yawo Wonke Umuntu.” Inkulumo nengxoxo nezilaleli, kufanele inikezwe umbonisi wensimu. Bukeza osekufeziwe kuze kube manje ekusakazeni amapheshana e-Kingdom News, ikakhulukazi uma kuqashelwa ukusekeleka okuhle kwamalungiselelo enkonzo nokuhlanganyela enkonzweni yasensimini ngokokuqala ngqá kwabasanda kuhlanganyela. Nikeza umbiko ngokuhlanganiswa kwensimu; uchaze okudingeka kwenziwe uma elinye ibandla licela usizo. Bakhuthaze bonke ukuba benze umzamo owengeziwe wokusakaza ama-Kingdom News abawanikeziwe. Gcizelela ukubaluleka kokugcina umbhalo wabantu abanesithakazelo nokwenza izimpindelo ngomzamo wokuqala izifundo zeBhayibheli. Makube nomboniso wentshumayelo esikiselwe.
INgoma 55 nomthandazo wokuphetha.
Isonto Eliqala Ngo-May 8
INgoma 61
15 imiz: Izaziso zebandla. “Nawe Ungakuthola Okuhlangenwe Nakho Okuhle!” Uma isikhathi sivuma, mema izilaleli ukuba zilandise okuhlangenwe nakho okukhuthazayo okwajatshulelwa lapho kuhanjiswa i-Kingdom News.
15 imiz: Izidingo zebandla. Noma inkulumo ngesihloko esithi “Indlela AmaKristu Abhekana Ngayo Nokuhlanjalazwa Obala” esiku-Nqabayokulinda ka-April 1, 1995, amakhasi 26-9.
15 imiz: Makube nomboniso obonisa indlela umkhaya ongasebenzisa ngayo INcwadi Yonyaka Ka-1995. Ubaba uhola umkhaya ekubukezeni ngentshiseko ukwaziswa okuyisethulo okusemakhasini 3-11. Phetha ngokuchaza amalungiselelo okuba umkhaya ufunde amakhasi ambalwa e-Ncwadi Yonyaka isonto ngalinye. Uma abazalwane bengenayo INcwadi Yonyaka, sizani nixoxe ngesihloko esithi “Uyamsiza Yini Umntanakho Ukuba Akhethe UJehova?” esiku-Nqabayokulinda ka-October 1, 1994, amakhasi 26-30.
INgoma 60 nomthandazo wokuphetha.
Isonto Eliqala Ngo-May 15
INgoma 54
10 imiz: Izaziso zebandla. Umbiko wezimali.
15 imiz: “Ukulandela ISibonelo Sethu Njengabaphathi Bokukhanya.” Imibuzo nezimpendulo.
20 imiz: Bakuphi Abathandekayo Bethu Abafile? Ingxoxo yomkhaya. Isebenzisa ukwaziswa okukhethiwe emakhasini 274-6 encwadi ethi Ukubonisana, inhloko yomkhaya icabangela ukulahlekelwa ngokufa umngane oseduze womkhaya. Igcizelela ukusiza izingane zayo ukuba ziqonde umbono weBhayibheli. Ibuza imibuzo ukuze iqiniseke ukuthi ziyaqonda ukuthi ukufa kusho ukuthini nokuthi ziyakwazi yini ukuchaza ngokucacile ngokweminyaka yazo yobudala. Ibonisa nendlela ezingasebenzisa ngayo incwajana entsha engangomagazini ethi Lapho Ufelwa Othandekayo ukuze ziduduze abanye.
INgoma 45 nomthandazo wokuphetha.
Isonto Eliqala Ngo-May 22
INgoma 66
10 imiz: Izaziso zebandla. Bakhuthaze ukuba bangenele inkonzo yamaphayona asizayo. Ungaxoxa nabathile abahlanganyela ekubeni amaphayona asizayo ngo-April. Bukeza izimfanelo zokufaneleka ezichazwe encwadini ethi Ukuhlelelwa Ukufeza Inkonzo Yethu, amakhasi 113-14.
15 imiz: “Ukubekwa Uphawu Okuletha Insindiso.” Ingxoxo nezilaleli. Hlanganisa nomboniso owodwa noma emibili ukuze ubonise indlela okungenziwa ngayo izimpindelo.
20 imiz: Ingabe Uyenza Ngomphefumulo Wonke Inkonzo Yakho? Ingxoxo esingathwa umbonisi wenkonzo. Ungahlanganisa nokwaziswa okwakuphathelene nalesisihloko okwaxoxwa ngakho eSikoleni Senkonzo SoMbuso samuva sabadala. Kusho ukuthini ukukhonza uJehova ngomphefumulo wonke? Ingabe kuwukuhlakanipha ukuqhathanisa inkonzo yethu neyabanye? (Qhathanisa uLuka 21:1-4 noMarku 14:3, 6-9; Mathewu 13:18, 23.) Ingabe inkonzo yethu ishukunyiswa uthando ngoJehova nomakhelwane bethu? (Math. 22:37-39) Abadala nezinceku ezikhonzayo kanye nemikhaya yabo bakhuthazwa ukuba babeke isibonelo sokusebenza ensimini ngomphefumulo wonke. Ingabe niyasilandela isibonelo sabo esihle? Hlanganisa nokuhlangenwe nakho okuthile kwasebandleni okubonisa ukuthi uJehova uyibusisa ngokucebile imizamo yezikhonzi zakhe yomphefumulo wonke. (Bheka ne-w90-ZU 1/1 k. 7; w89-ZU 1/1 k. 31.)
INgoma 74 nomthandazo wokuphetha.
Isonto Eliqala Ngo-May 29
INgoma 79
15 imiz: Izaziso zebandla. Nikeza ukusikisela okuzokhuthaza abamemezeli ukuba bazame ukufunda umBhalo njengengxenye yentshumayelo yabo ezindlini. Abantu abaningi bayalihlonipha iBhayibheli futhi bazimisele ukulalela lapho lifundwa. Iseluleko salo sinesisindo futhi siyomshukumisa oqotho. Umbhalo kufanele ufundwe ngomuzwa nangokushelela. (Bheka ethi Incwadi Yokuchasisa Isikole, amakhasi 32-3, izigaba 12-15.) Bakhumbuze bonke ukuba bafake imibiko yabo yenkonzo yasensimini yango-May, nanoma imiphi imibiko esishiywe isikhathi.
12 imiz: IBhokisi Lemibuzo. Imibuzo nezimpendulo. Chaza ukuthi kungani sizuza kakhulu emihlanganweni lapho siyilungiselele kusengaphambili futhi siphethe zonke izincwadi ezidingekayo.
18 imiz: Hambisa Incwadi Ethi Izwi LikaNkulunkulu Ngo-June. Bhekisela ekusikiseleni okuku-Nkonzo Yethu YoMbuso ka-February 1990, ikhasi 4 neka-March 1990, amakhasi 1, 2, no-8, ngokuphathelene nendlela yokuhambisa lencwadi enhle. Phawula imifanekiso esemakhasini 4, 137, 138, no-143, bese ubonisa indlela engasetshenziswa ngayo ekuqaleni izingxoxo. Ummemezeli onekhono akenze umboniso wentshumayelo echaza ukukhetha ngamunye okufanele akwenze ukuze azuze ukuphila okuphakade, esebenzisa imiqondo nemibhalo esekhasini 189. Bakhumbuze bonke ukuba bazitholele lezizincwadi ukuze bazisebenzise enkonzweni kulempelasonto.
INgoma 63 nomthandazo wokuphetha.