Imihlangano Yenkonzo Ka-May
Isonto Eliqala Ngo-May 3
INgoma 209
10 imiz:Izaziso zebandla neZaziso ezikhethiwe ezivela ku-Nkonzo Yethu YoMbuso. Yazisa ibandla ngamalungiselelo akhethekile enkonzo yasensimini ngamaholide ango-May.
20 imiz:“Ukuhlanganyela Ngokuphumelelayo Enkonzweni Yethu Esindisa Ukuphila.” Inkulumo nemiboniso. Ngemva kwesethulo esifushane, yethula imiboniso emithathu esekelwe ezigabeni 2-5. Ngemva komboniso ngamunye, buza izilaleli ukuthi lentshumayelo ingafanelaniswa kanjani nezimo ezihlukahlukene ensimini yebandla. Phetha ngesikhuthazo sokuhlanganyela ngokugcwele enkonzweni ngalempelasonto.
15 imiz:Ukubaluleka Kwengokomoya Lomkhaya. Inkulumo enikezwa umdala. Xoxa ngesidingo sokuba umkhaya ucabangele itekisi losuku, ubonise indlela lokhu okungase kwenziwe ngayo ngaphansi kwezimo nezimiso zomkhaya ezihlukahlukene. Gcizelela futhi isidingo sokuba umkhaya uthandaze ndawonye okungenani kanye ngosuku. Lokhu kungase kwenziwe lapho sekuzolalwa. Izimiso ezifanayo ziyosebenza emikhayeni ehlukene ngokwenkolo, imikhaya enomzali oyedwa, nemikhaya engenazo izingane. Ukulungiselela njengomkhaya nakho kunendima ebalulekile ekuzuzeni ngokugcwele emihlanganweni yebandla isonto ngalinye nasekukwazini ukuqinisa ukholo lwabanye.—Heb. 10:23-25.
INgoma 104 nomthandazo wokuphetha.
Isonto Eliqala Ngo-May 10
INgoma 27
10 imiz:Izaziso zebandla. Xoxa nabamemezeli abaye baphumelela ukuthola izikhokhelo kuze kube manje. (Laba kufanele balungiselelwe kusengaphambili ngosizo lomzalwane osingatha izikhokhelo ebandleni.)
15 imiz:“Ukubhekana Nenselele Yenkonzo Yendlu Ngendlu.” Imibuzo nezimpendulo. Funda futhi ubonise ukusebenza kwemibhalo ekhonjiwe.
20 imiz:“Masiye Endlini KaJehova.” Ukuhlanganiswa ngemibuzo nezimpendulo kwezigaba 1-8 zesenezelo. Khulumela kafushane amaphuzu avelele asezincwadini eziphawulwe esigabeni 7. Yiba nommemezeli onekhono ebonisa indlela yokusiza umuntu osanda kuhlanganyela ukuba aqonde ukuthi kungani sihlelwe saba amabandla. (wZU84 11/1 k. 15 izig. 6, 7) Qokomisa izici zemihlangano yethu ezingafani nhlobo nezinkonzo zenkolo zeLobukholwa. Khuthaza labo abaqhuba izifundo zeBhayibheli ukuba isonto ngalinye bahlanganise nengxoxo emfushane eklanyelwe ukusiza umfundi ukuba abe nokwazisa okwengeziwe ngenhlangano nesidingo sokuba abe yingxenye yayo.
INgoma 134 nomthandazo wokuphetha.
Isonto Eliqala Ngo-May 17
INgoma 16
10 imiz:Izaziso zebandla, ezihlanganisa imibiko yezimali nokubongwa kweminikelo ethunyelwe. Tusa ibandla ngokusekela ngokwezimali izidingo zebandla nomsebenzi weNhlangano womhlaba wonke.
20 imiz:“Phindela Ngenjabulo Uyosiza Abathakazelayo.” Ingxoxo ehlanganyelwa nezilaleli nemiboniso. Gcizelela isidingo sokugcina amarekhodi amahle esithakazelo esitholakalayo. Usebenzisa ukwaziswa okusezigabeni 3-6, hlela imiboniso emibili. Kufanele ibonise izimo zendawo futhi ivunyelaniswe nazo njengoba kudingekile.
15 imiz:“Masiye Endlini KaJehova.” Ukuhlanganiswa ngemibuzo nezimpendulo kwezigaba 9-14 zesenezelo. Usebenzisa ukusikisela okusezigabeni 12 no-13, yiba nommemezeli obonisa indlela yokukhuluma nomuntu ongathuthuki.
INgoma 54 nomthandazo wokuphetha.
Isonto Eliqala Ngo-May 24
INgoma 141
10 imiz:Izaziso zebandla. IZindaba EzingokwaseZulwini. Khumbuza ibandla ngamalungiselelo akhethekile enkonzo yasensimini ngoMsombuluko, May 31.
20 imiz:“Basha—Qondisani Izinyathelo Zenu Ngokuhlakanipha.” Ukucatshangelwa kwesihloko ngemibuzo nezimpendulo. Ngemva kwesigaba 3, yiba nomboniso omfushane lapho ummemezeli osemusha ecela ummemezeli osekhulile ukuba asebenze naye enkonzweni yasensimini. Ummemezeli osekhulile uyavuma ngenjabulo futhi usikisela ukuba babukeze izintshumayelo zabo ngaphambi kokuba basebenze ndawonye.
15 imiz:Ingxoxo ngombonisi wenkonzo ngamalungiselelo omkhankaso wensimu engabelwe ka-1993. Xoxa ngencwadi evela eNhlanganweni yango-April 1, 1993 ephathelene nalomkhankaso. Yazisa ibandla ngamalungiselelo enziwa yindikimba yabadala. (Amabandla angahlanganyeli emkhankasweni wensimu engabelwe angaxoxa ngezidingo zebandla, ezihlanganisa nokusebenza insimu yawo engasetshenzwa njalo.)
INgoma 223 nomthandazo wokuphetha.
Isonto Eliqala Ngo-May 31
Ingoma 207
10 imiz:Izaziso zebandla. Sikisela amaphuzu okukhulunyelwa asencwadini Umuntu Omkhulu angase asetshenziswe ngo-June. Khuthaza abamemezeli ukuba babukeze ukusikisela okuphathelene nenkonzo yasensimini okusekhasini elingemuva le-Nkonzo Yethu YoMbuso ka-August 1992.
10 imiz:IBhokisi Lemibuzo. Inkulumo enikezwa umdala.
15 imiz:Ingabe Uzoba Iphayona Elisizayo Phakathi Nezinyanga Ezizayo? Xoxa nabanye ababa amaphayona asizayo phakathi no-March no-April. Yiziphi izinzuzo abaye bazithola ngokuba amaphayona asizayo? Inkonzo yabo yasensimini yathuthuka kanjani? Ingabe zikhona izifundo zeBhayibheli ezithuthukayo abaye baziqalisa noma imizila kamagazini? Ingabe zikhona ezinye izinzuzo? Khuthaza intsha nabanye izimo zabo ezingase zibavumele ukuba bacabangele ukusebenzisa izikhathi zamaholide ngokwenzuzo enhle. Ikakhulukazi abamemezeli abasafunda esikoleni kufanele bazame ukuphayona phakathi namaholide esikole azayo. Xoxa nommemezeli oyedwa noma ababili abasafunda isikole abahlanganyela enkonzweni yobuphayona obusizayo esikhathini esidlule. Abanye bangase bakwazi ukusiza ekuhlanganiseni insimu engasetshenzwa njalo noma insimu engabelwe phakathi nezinyanga ezizayo.—2 Kor. 9:6b.
10 imiz:Ingabe UNkulunkulu Uyazithethelela Izono Zethu? Abadala ababili balungiselela ukuhambela kokwalusa. Baxoxa ngendlela abangamsiza ngayo umzalwane osakhathazekile ngenxa yezono zesikhathi esidlule futhi ozibuzayo ukuthi uNkulunkulu umthethelele yini. Abadala babukeza ukwaziswa okusencwadini Ukubonisana, amakhasi 329-332, kanye nencwadi i-Insight Umqulu 1, amakhasi 861-862. Bacabanga ngesidingo sokuba basebenzelane ngomusa nalomzalwane nesokuqokomisa umusa kaJehova nokuzimisela kwakhe ukuthethelela. Bahlela futhi nokugcizelela isidingo sokuba lomzalwane enze umzamo womuntu siqu, ukuvuma isono kukodwa akwanele. Abadala bazosikisela ukumhambela lomzalwane njalo ngezikhathi ezithile, benikeza usizo olungokomoya.
Ingoma 214 nomthandazo wokuphetha.