Imihlangano Yokusisiza Ekwenzeni Abafundi
ISONTO ELIQALA NGOJUNE 5
INgoma 137
10 imiz: Izaziso zebandla neZaziso ezikhethiwe ezivela kuNkonzo Yethu YoMbuso. Sikisela amaphuzu enkonzo yasensimini avela komagazini bamuva. Khulumela indlela labomagazini abangasetshenziswa ngayo enkonzweni yasensimini noma lapho sihamba. Khuthaza bonke ukuba bahlanganyele enkonzweni yasensimini ngalempela-sonto, kuhlanganise nosuku lukamagazini lwangoMgqibelo wesibili.
15 imiz: “Sebenzisa Wonke Amathuba Okufakaza—Ingxenye 1.” Sicatshangelwa ngemibuzo nezimpendulo. Khuthaza abazalwane ukuba basebenzise ukusikisela okunikeziwe nokuba bawasebenzise kahle amapheshana.
20 imiz: ISihloko Sengxoxo esisha. Xoxa ngemiBhalo nangendlela esekela ngayo amaphuzu aveziwe. Bukeza izingeniso kwesithi “Impi/Ukuthula” encwadini Ukubonisana, ikhasi 10. Khona-ke yethula umboniso olungiselelwe kahle ohlanganisa amaphuzu aphawulwe esigabeni 5 esihloko esithi “Memezela Ukuthula Kweqiniso Nokulondeka.”
INgoma 139 nomthandazo wokuphetha.
ISONTO ELIQALA NGOJUNE 12
INgoma 158
10 imiz: Izaziso zebandla. Umbiko wezimali. Tusa abazalwane ngokusekela ibandla ngezinto ezibonakalayo kuhlanganise namazwi eNhlangano okubonga iminikelo. Chaza amalungiselelo enkonzo yasensimini alempela-sonto. Xoxa ngamaphuzu avelele komagazini bamuva abazohanjiswa.
15 imiz: “Ukujabulela Ukuhlangana OkungokwaseZulwini.” Ingxoxo yemibuzo nezimpendulo. Hlanganisa namazwi afanelekayo ngokuqondene nezinzuzo ezitholakala ekuhlanganeni okuhle.
20 imiz: “Memezela Ukuthula Kweqiniso Nokulondeka.” Ingxoxo yemibuzo nezimpendulo. Hlanganisa nokukhulumela amaphuzu avezwe ekhasini 8 lencwadi Ukuthula Kweqiniso nanoma imaphi amanye amaphuzu afanelekayo ensimini yebandla.
INgoma 31 nomthandazo wokuphetha.
ISONTO ELIQALA NGOJUNE 19
INgoma 78
10 imiz: Izaziso zebandla. Sikisela amaphuzu okukhulumela omagazini bamuva, futhi ubonise izintshumayelo ezimbili ezimfushane, ezilungiselelwe kahle. Komunye qokomisa INqabayokulinda komunye uqokomise iPhaphama! Khuthaza bonke ukuba bahlanganyele emsebenzini kamagazini ngaloMgqibelo. Bonke bakhuthazwa ukuba balungiselele kahle isihloko sesonto elizayo mayelana nokudansa ngokubheka zonke izikhombo ezihlelelwe ingxoxo. Abadala kumelwe banqume ukuthi ubani oyosisingatha kangcono lesihloko, nokuthi ukwaziswa kungafanelaniswa kanjani nezidingo zebandla futhi batuse lapho abazalwane benza kahle khona kulesisici.
20 imiz: “Ukushumayela Izindaba Ezinhle—Ngokukholisa.” Sihlanganiswa ngemibuzo nezimpendulo. Ngemva kokuxoxa ngesihloko, yiba nommemezeli olungiselele kahle obonisa indlela lokhu okungenziwa ngayo, esebenzisa isibonelo esisesigabeni 4 noma esinye isihloko esiwusizo.
15 imiz: Izidingo zebandla noma inkulumo enesihloko esithi “Intsha Iyabuza . . . Ukuqomisana Okuphumelelayo Kubaluleke Kangakanani Ngempela?” kuPhaphama! kaMarch 8, 1989.
INgoma 197 nomthandazo wokuphetha.
ISONTO ELIQALA NGOJUNE 26
INgoma 210
8 imiz: Izaziso zebandla. Ukucatshangelwa kwetekisi losuku nokukhulumela.
15 imiz: “Sekela Ukuhambela Kombonisi Wesifunda.” Imibuzo nezimpendulo. Lapho kuxoxwa ngesigaba 2, xoxa nombonisi owengamele ngokuphathelene namalungiselelo adingekile okuhambela kombonisi wesifunda. Gcizelela indlela ibandla elingasiza ngayo ekwenzeni ukuhambela kube okuphumelelayo. Lungiselela ukukhulumela okubili noma okuthathu kwamaphayona noma abamemezeli ngendlela abaye bazuza ngayo ekuhambeleni okudlule. Yakha ukushisekela ukuhambela okulandelayo kombonisi wesifunda.
22 imiz: Umbono WobuKristu Ngomdanso. Inkulumo nokuhlanganyela kwezilaleli.
(15 imiz.) Emkhakheni wezokuzijabulisa, ukudansa, nokunye, umKristu weqiniso uyofuna ukusekela umbono weBhayibheli, okungukuthi, “noma nidla, noma niphuza, noma nenzani, konke kwenzeleni udumo lukaNkulunkulu.” (1 Kor. 10:31) Abazalwane nodade abavuthiwe kumelwe babeke isibonelo esifanele. Abantu ngabanye banamalungelo nemithwalo yemfanelo; gwema ukubeka isibonelo esibi ngokuvumela amalungelo acinanise imithwalo yemfanelo. UmKristu angase abe nomuzwa wokuthi angahlanganyela emdansweni ngonembeza omuhle phambi kukaNkulunkulu. Kufanele acabangele umphumela kwababukele; ukuthi ‘Unembeza wami umsulwa’ akwanele. ImiBhalo iyakugcizelela ukubaluleka kokugwema ukuba imbangela yokukhubeka. (Roma 14:19-21; 1 Kor. 10:32; w72 kk. 567-71) Ngamunye unomthwalo wemfanelo ngokukhetha uhlobo lomdanso ahileleka kulo. Ingabe abadala, izinceku ezikhonzayo, nabanye bayahola ekubekeni isibonelo esifanele? Iziphi izingozi ezikhona kwezinye izinhlobo zomdanso? Njengokudansa, amaKristu kumelwe aqaphe kakhulu ekukhetheni uhlobo olufanele lomculo. (w83 7/15 k. 29) Umculo omningi “wesimanje” unezihloko ezinhlanu eziyisisekelo: ubulili, imilaliso, ubudlova, umlingo, nokuhlubuka. Kumelwe siqine ngokwengeziwe ekumeleleni izindinganiso zikaJehova; kumelwe sinciphise igebe phakathi kokuzwa nokwenza. (wZU84 10/15 kk. 31-2; wZU83 7/1 kk. 4-11; wZU84 4/15 kk. 10-6; wZU74 11/15 kk. 526-528; w52 kk. 320, 359) Abazali kumelwe banikeze isiqondiso sothando nokho esiqinile kubantwana ngokuqondene nokuzijabulisa, kuhlanganise nokudansa nomculo abawukhethayo. Kunikezwa isiqondiso esihle ezincwadini zeNhlangano.
(5 imiz.) Umboniso: Indodana nendodakazi abasanda kweva eshumini elinambili baya kubazali ukuyocela imvume yokuya embuthanweni wabantu abasha ikakhulukazi. Abazali bayajabula ngokuthi abantwana beze kubo; bayabatusa ngenkambo yabo eyisibonelo; bayaqiniseka ngokuthi kuzoba khona ukwengamela okufanelekile kobuzali kukhona umdala oyedwa noma ababili. Ingabe uyoba khona umdanso? Kuyodlalwa hlobo luni lomculo? Abantwana abaqiniseki. Abazali basebenzisa incwadi Ubusha ukuze bakhulume ngezimiso njengoba zichazwe emakhasini 127-32; ekuphetheni bagcizelela ukubaluleka kwesibonelo esihle, ithonya elihle nokukhetha ngokuhlakanipha. (yyZU k. 132 izig. 24, 25; g84 4/22 kk. 11-3)
(2 imiz.) Isikhulumi sigcizelela ukubaluleka kokusebenzisa izimiso ezihilelekile ekuqinisekeni ngezinto ezifanelekile nokungakhubi abanye. (Fil. 1:10) Akukho mithetho ebekwayo, kodwa bonke bakhuthazwa ukuba baqondiswe yizimiso zeZwi likaNkulunkulu.
INgoma 16 nomthandazo wokuphetha.