Intombazanyana Enesandla Esivulekile

MUVA NJE, intombazanyana eneminyaka engu-9 ubudala yaseBrazil yahlukanisa kabili imali ebiyibekile—enye yaba amaRandi angu-150 nenye yaba angu-210. Yathatha engu-R150 yayifaka ebhokisini eliseHholo LoMbuso lakubo ukuze isize ekukhokheleni izindleko zebandla. Yabe isithatha le eyisamba esikhulu yayithumela ehhovisi legatsha loFakazi BakaJehova kanye nencwadi emfushane. Incwadi eyayibhala yayithi: “Ngithanda ukunikela ngale mali ukuze isetshenziselwe umsebenzi womhlaba wonke. Isifiso sami siwukusiza abafowethu nodadewethu abaningi emhlabeni wonke ukuba bashumayele izindaba ezinhle. Ngiyinikela ngenxa yothando lwami olukhulu ngoJehova.”

Abazali bale ntombazanyana bayifundisa ukubaluleka kokuhlanganyela emsebenzini wokushumayela ngoMbuso. Babuye bagcizelela kuyo nesidingo ‘sokudumisa uJehova ngezinto zayo eziyigugu.’ (IzAga 3:9) Njengale ntombazanyana, kwangathi sonke singahlanganyela ngentshiseko ekuthuthukiseni izithakazelo zoMbuso, endaweni yakithi nasemhlabeni wonke!