Ukuqondisisa Izindaba

Ukuyekelelwa Kwesono Akulungile

Enkulumweni yamuva ebhekiswe kubaholi besonto, umhleli wephephandaba lezindaba zenkolo uMichael J. McManus wathi amasonto aye aba nesandla ekuwohlokeni kwemikhaya yaseMelika. Kubika kanjalo iThe Fresno Bee, iphephandaba laseCalifornia. UMcManus waphawula ukuthi kwakunamadivosi ayisigidi esiyi-1,2 nezingane eZingamavezandlebe eziyizi-750 000 eUnited States phakathi no-1985 nokuthi imibhangqwana engashadile eyizigidi eziyi-2,2 yayihlala ndawonye.

UMcManus wabonisa ukuthi, esikhundleni sokusekela ngobuqotho izimiso zeBhayibheli zokuziphatha, ezikhuthaza ukwethembeka emshadweni, isonto liye laziyekelela izindaba ezinjalo ngomzamo wokusekela inani lababa khona. Njengesibonelo, wacaphuna isiphakamiso samuva “sokuba iSonto iEpiscopal likuyeke ukuphikisa kwalo imibhangqwana ehlala ndawonye ngaphandle komshado.”

Imibono enjalo yesimanje ngobulili nomshado ingqubuzana kakhulu neBhayibheli. Umphostoli uPawulu ongumKristu wathi: “Ukuganana makuhlonishwe yibo bonke, umbhede ungabi-nasisihla.” (Heberu 13:4) Lapho abaFarisi bebhekene noJesu Kristu ngendaba yedivosi, wathi “umuntu uyakushiya uyise nonina, anamathele kumkakhe; labo ababili bayakuba-nyamanye.” Wanezela: “Yilowo nalowo olahla umkakhe kungengokuphinga, aganwe ngomunye, uyaphinga.”—Mathewu 19:4, 5, 9.

Esabela ekuyekeleleni kwesonto izindaba ezinjalo zokuziphatha eziphakanyisiwe, uMcManus wathi: “ISonto iEpiscopal liye lafinyelela ezingeni lapho lisho khona ukuthi izimiso zalo zokulunga eziphakeme kUlungile ziyekelelwe. Akukho ndawo lapho uJesu athi kuyekelelwe isono. Wasilahla isono.” Abafundi beBhayibheli abanolwazi bayavuma.

Ubufakazi Obungenakuphikwa

“Ngemva kweminyaka eminingi yoku ngabaza ukukholelwa kuNkulunkulu ngokuqhosha, ososayensi baqala ngesimo sokungathandi kahie ukubheka uNkulunkUlu ngamanye amehlo,” kuphawula umhleli wephephandaba uPete McMartin weThe Vancouver Sun, iphephandaba laseBritish Columbia, eCanada. Nakuba inkolo nesayensi kuye kwangqubuzana amakhuiu eminyaka, “lokho akuselona iqiniso,” kusho uWasley Krogdahl owayenguprofesa waseYunivesithi yaseKentucky wesayensi ephathelene nezinkanyezi nesayensi yezinto zemvelo. Uyanezela: “Isayensi yendabuko nesimo sendawo yonke iye yakwenza kwakhanya ukuthi indawo yonke yayinesiqalo, nokuthi lokho kusho uMdali.”—The State Journal-Register, Springfield, IIlinois.

Okungenani abanye ososayensi bayicabanga kabusha indabuko yendawo yonke. Siyini isizathu? “Indawo yonke yenza kube nengqondo kakhulu kunanjengoba kwakunjalo eminyakeni engama-50 edlule,” kuchaza usosayensi wezinkanyezi uKrogdahl. Phakathi neminyaka engama-25 yokugcina, ukuthuthukiswa kwamathuluzi anamandla kakhulu kuye kwaphumela ekutholweni kokusazinkanyezi okuyimithombo yamaza omsakazo namaneutron stars. UKrogdahl uyavuma ukuthi njengoba ulwazi ngendawo yonke lwanda, kunjalo nangobufakazi bokuthi uNkulunkulu ukhona. Uphawula ukuthi ubufakazi obunjalo, “bumane nje baba vala imilomo abangakholelwa ebukhoneni bukaNkulunkulu.”

Nokho, lokho okuye kwathatha izingqondo Zososayensi iminyaka eminingi ukuba zikwamukele ngemva kokucwaninga nokutadisha okukhathalisayo, abafundi beBhayibheli baye bakwazi amakhulu eminyaka. “Ngokuba okungabonwayo kwakhe, kuthi amandla akhe aphakade nobuNkulunkulu bakhe kubonakala kwasekudalweni kwezwe, ngokuba kuqondakala ngezenzo zakhe.” (Roma 1:20) Kalula nje, ubufakazi obungenakuphikwa bebukhona njalo.

[Isithombe ekhasini 24]

Umthala IOrion

[Umthombo]

U.S. Naval Observatory photo