Amazwi Afudumeza Inhliziyo

UDEBORA oneminyaka eyisishiyagalombili wabuzwa uyise: “Ingabe uyathandaza kuJehova?” Waphendula: “Yebo, kakhulu.” “Nini?” “Lapho ngingedwa.” “Ukwenzelani lokho?” “Ukuze ngingakhathazwa muntu!”

ULaurent oneminyaka eyisithupha wabuzwa unina: “Ingabe uthanda ukuba ngishiye isibane sikhanya ekamelweni lakho namuhla ebusuku?” (ULaurent wayewesaba umnyama futhi watshelwa ukuba athandaze kuJehova ngalokho.) “Cha, angisesabi ngoba uJehova unami.”

Intombazane eneminyaka eyisithupha yathandaza yathi: “Ngiyakubonga, Jehova, ngethemba lovuko. Lingumbono omuhle kakhulu!” Komunye umthandazo, wathi: “Kuningi okumelwe ukwenze lapha ezweni lakithi lapho sesisePharadesi, Jehova, ngoba lapha lina ngokweqile.”

U-Udo oneminyaka emithathu wathandaza: “Siza, Jehova Nkulunkulu, wenze ubaba afunde iBhayibheli ukuze angafi ngeArmagedoni.” Umnyango wekamelo lokulala lalomfana wawuvulekile, futhi uyise wawuzwa lomthandazo. Lokho kwaqeda inkani yakhe yokugcina yokumelana neqiniso, futhi namuhla uyinceku ethembekile kaJehova.