Wasindiswa Ipheshana

“Ngase nginqume ukuthi namuhla ekuseni ngizozibulala,” kusho owesifazane kumngane wakhe ocingweni. Wathi wayezongena emotweni yakhe futhi ayishayele ukuba iwele ngalé kwebhuloho.

Lendaba yalandiswa umngane wakhe koFakazi BakaJehova ababili njengoba babemvakashele ngolunye usuku ekuseni. Eqhubeka, umngane wathi waqhubeka ebuza owesifazane ukuthi yini eyashintsha umqondo wakhe.

“Ngalungiselela futhi ngaphuma emnyango wami,” kuphendula owesifazane. “Kodwa njengoba ngangenza kanjalo, ngathola ipheshana elalikhuluma ngokuthi kukhona othile okhathalelayo, othile okuthandayo, libhekisela kuNkulunkulu.” Lelopheshana, lamvimba ukuba aqhubeke necebo lakhe. Kodwa lalivelaphi?

“Ipheshana lalishiywe ngomunye woFakazi BakaJehova,” kuchaza owesifazane. Lalisindise ukuphila kwakhe!