Iwusizo Ekuthuthukeni Ngokomoya

Kwakwenziwa imizamo yokusiza owesifazane ongumShayina ohlala eNgilandi, kodwa osazi kancane isiNgisi, ukuba afunde izimfundiso zeBhayibheli. “Ngangingayitholi intuthuko,” kubika owayemfundisa. “Khona-ke umngane walentokazi eAustralia wayithumelela inguqulo yesiShayina yeNcwadi Yami Yezindaba ZeBhayibheli. Owesifazane manje ulangazelela ukuba khona emihlanganweni yethu nokutadisha ngokwengeziwe. Futhi uziqonda kangcono izinto ngenxa yamaqiniso abekwe ngendlela elula kulencwadi. Ngijabula kakhulu! Ngalencwadi kwenzeka isinyathelo esikhulu sokuthuthuka ngaphandle komzamo wami.”

INcwadi Yami Yezindaba ZeBhayibheli inezindaba zeBhayibheli eziyi-116 ezinikeza umfundi umqondo walokho iBhayibheli elikhuluma ngakho. Inyatheliswa ngezilimi ezingaphezu kwama-50. Ungazitholela lencwadi ebalulekile enamakhasi angama-256 ngokugcwalisa nokuthumela ikhuphoni elingezansi.

Sizani ningithumelele incwadi enoqwembe oluqinile INcwadi Yami Yezindaba ZeBhayibheli, engithumela u-R3 wayo. Uma ufuna incwadi ngolimi olwaziwa kabanzi ngaphandle kwesiNgisi, siza ulubhale lapha ‐‐‐‐‐‐.