Imibuzo Evela Kubafundi

◼ Wayesho ukuthini uJesu lapho ethi: “Isibani somzimba yiso. Ngakho uma iso lakho lilihle, uzakukhanya umzimba wakho wonke”?

Abanye baye baphetha ngokuthi lamazwi akuMathewu 6:22 aqukethe incazelo engokwempilo noma aphathelene nokwelapha, njengoba iso laliyindlela eyinhloko yokuthola isifo noma ubuthakathaka obungokomzimba. Nokho, lokhu akuvumelani nomongo wendaba. UJesu wayesanda kuxwayisa nje ‘ngokuzibekelela ingcebo emhlabeni.’ Futhi ngemva kwalamazwi maqondana ne“so,” wakhuthaza ukuba yizigqila zikaNkulunkulu kunokuba ezengcebo.—Mathewu 6:19-24.

Ngokusobala iphuzu likaJesu laliwukuthi abafundi bakhe kumelwe bagcine iso ‘elikhanyayo,’ okungukuthi, lelo eligxile ngobuqotho entweni eyodwa kunokuba liphazanyiswe, into enjengengcebo. UmKristu ozindla ngokwenza intando kaNkulunkulu ‘uyakhanya,’ ngoba uyisa ukukhanya kwabanye, okuletha udumo kuNkulunkulu.