“Inkinga Yezwe Lonke Yokuntuleka Kokwethembeka”
ENtshonalanga Afrika, umfana oneminyaka engu-12 ulele embhedeni esibhedlela—uphuze umuthi mbumbulu wokwelapha umalaleveva unina amthengele wona ekhemisi elisemthethweni. Udokotela othile kulesi sibhedlela uthi, “Sekuyiminyaka engu-15 ngithola imithi mbumbulu ethengiswayo.”a
E-Asia, abazali bosana olusanda kuzalwa bayamangala lapho bethola ukuthi ubisi okuthiwa lunomsoco abebelokhu beluncelisa usana lwabo lunezakhi ezibulalayo. Ngokudabukisayo, lo mfanyana ugcina efile.
Usomabhizinisi waseMelika othenjwayo uphambe amakhasimende akhe izigidigidi zama-dollar! Izinkulungwane zabantu zithole ukuthi imali yazo yempesheni inyamalele kulokho okubizwa ngokuthi “ukukhwabanisa okukhulu kuleli khulu leminyaka.”
EZWENI lanamuhla, cishe bonke abantu sebake bakhohliswa esikhathini esithile. Ngisho nokuwa komnotho womhlaba ngokuyinhloko kuwumphumela walokho iphephandaba laseFrance i-Monde elikubiza ngokuthi “inkinga yezwe lonke yokuntuleka kokwethembeka.”
Ziyini izimbangela zalesi simo esikhona ‘senkinga yokwethembeka’? Ingabe ukhona umuntu ongamethemba?
[Umbhalo waphansi]
a Kwabika iphephandaba i-Figaro, elinyatheliswa eParis, eFrance.