Ingabe Umntanakho Usebenzisa I-Internet?

NGANOMA isiphi isikhathi, kunezigidi zentsha esebenzisa i-Internet, kungaba sekhaya, esikoleni, kubo kamngane, cishe nanoma kuphi—uma ikwazi ukuvula i-Internet emishinini ephathwayo noma komakhalekhukhwini. Uma ungumzali, ubhekene neqiniso elingathandeki: Kungenzeka abantwana bakho banolwazi olukhudlwana lwe-Internet kunawe, futhi kungenzeka bazi nezindlela abangakufihlela ngazo lokho abakwenzayo kuyo.

Ingabe kufanele sikhathazeke ngalokhu? Yebo. Ingabe alikho ithemba? Akunjalo neze. Yiqiniso, kungase kubonakale sengathi uma kuziwa kuyi-Internet, umntanakho usekhaya kanti wena uyisivakashi. Noma kunjalo, ungalufunda ulwazi oluyisisekelo. Futhi akudingeki ukuba ube uchwepheshe wazo zonke izinto eziyimishini ukuze uvikele umntanakho.

Lezi zihloko eziwuchungechunge zizokunikeza amacebiso athile awusizo. Kodwa ake siqale sihlole ezinye zezingozi umntanakho angase abhekane nazo kuyi-Internet.

[Amazwi acashunwe esihlokweni ekhasini 3]

ECanada cishe ingxenye yabo bonke abasha abanomakhalekhukhwini bangayivula i-Internet kubo