Ingabe Uyazi?

(Izimpendulo zale mibuzo zingatholakala ezikhombweni zeBhayibheli ezinikeziwe, kanti uhlu oluphelele lwezimpendulo lunyathelisiwe ekhasini 20. Ukuze uthole ukwaziswa okwengeziwe, bheka incwadi ethi “Insight on the Scriptures,” enyatheliswa oFakazi BakaJehova.)

1. NgokukaPetru, yiziphi izinto “ezilwa nomphefumulo”? (1 Petru 2:11)

2. Ngemva kokubuyelwa yingqondo, iNkosi uNebukadinesari yaqaphelani ngoJehova? (Daniyeli 4:34, 35)

3. Kungani uJesu ‘ayengavumeli muntu ukuba athwale isitsha anqamule naso ethempelini’? (Marku 11:16)

4. Iyiphi inselele uSaneheribi inkosi yase-Asiriya ayibekela uHezekiya iNkosi yakwaJuda? (2 AmaKhosi 18:23)

5. Yini uJesu ayikhuthaza esikhundleni sokuba kwenziwe izifungo ngokungaqondi? (Mathewu 5:37)

6. NgokoMthetho KaMose, yini okwakufanele yenziwe, ngisho nasesihlotsheni esiseduze esasikhuthaza ukukhulekelwa kwabanye onkulunkulu? (Duteronomi 13:6-10)

7. UJehova wathembisa u-Abrahama ukuthi wayeyoliyeka iSodoma neGomora angalijezisi uma kwakuyotholakala abantu abangaki abalungile? (Genesise 18:32)

8. Yafa kanjani iNkosi uSawule? (1 Samuweli 31:3, 4)

9. Kungani u-Uziya abulawa lapho ezama ukuvimba ukuba uMphongolo ungawi? (Numeri 4:15, 19, 20; 2 Samuweli 6:6, 7)

10. Yimuphi umuzi waseMakedoniya owaqanjwa ngonkulunkulu welanga wamaGreki? (IzEnzo 17:1)

11. Iyiphi inkulumo yeBhayibheli esho uhlangothi lwasempumalanga? (IsAmbulo 16:12)

12. UDavide wabusa iminyaka emingaki njengenkosi yakwa-Israyeli?

13. UJesu wayephumulephi ngesikhathi exoxa nowesifazane waseSamariya? (Johane 4:6)

14. Kungani kubalulekile ‘ukuxwaya izinkulumo ezingenangqondo ezingcolisa okungcwele’? (2 Thimothewu 2:16)

15. Obani amagama amadodana kaNowa amathathu? (Genesise 10:1)

16. Kubantu bakwaGadi abangu-11 abanesibindi ‘abazahlukanisa baya kuDavide’ ehlane imuphi okwathiwa wayelingana nenkulungwane? (1 IziKronike 12:8-14)

17. Yini uJesu ayisho eyabonisa ukuzwelana nabafundi bakhe ababemdumazile ngokulala ngobusuku bokukhashelwa kwakhe? (Marku 14:38)

18. UJesu wavela ohlwini lozalo lwayiphi inkosi yakwa-Israyeli? (Roma 1:3)

19. Obani abesifazane abane abashiwo ngokuqondile ngamagama ukuthi baya ethuneni likaJesu beyogcoba isidumbu sakhe ngeziqholo? (Marku 16:1; Luka 24:10)

Izimpendulo Zemibuzo

1. ‘Izifiso zenyama’

2. Ukubusa kwakhe “kungukubusa okuphakade” futhi akekho ongamvimba ukuba afeze injongo yakhe

3. Ngoba babesebenzisa igceke lethempeli ukuze banqamulele lapho beya kwezinye izingxenye zomuzi

4. Ukuba amukele amahhashi angu-2 000 futhi abone ukuthi wayengazigibelisa yini kuwo izinkweli

5. “Izwi lenu elingu-Yebo malisho uYebo, u-Cha wenu, uCha”

6. Kwakumelwe sibulawe

7. Abayishumi

8. Elinyazwe kabi imicibisholo yamaFilisti, wazibulala ngokuziphonsa phezu komkhonto wakhe

9. Umyalo kaNkulunkulu wawuthi kungabi namuntu ongagunyaziwe othinta uMphongolo ngaphansi kwanoma iziphi izimo

10. I-Apholoniya

11. “Ekuphumeni kwelanga”

12. Engu-40

13. Emthonjeni kaJakobe

14. “Bayoqhubekela ekungamhloniphini uNkulunkulu okwandayo”

15. UShemi, uHamu, noJafete

16. U-Ezeri

17. “Umoya uyalangazelela, kodwa inyama ibuthakathaka”

18. UDavide

19. UMariya Magdalena, uSalome, uJowana, noMariya unina kaJakobe