Ingabe Uyazi?

(Izimpendulo zale mibuzo zingatholakala ezikhombweni zeBhayibheli ezinikeziwe, kanti uhlu oluphelele lwezimpendulo lunyatheliswe ekhasini 24. Ukuze uthole ukwaziswa okwengeziwe, bheka incwadi ethi “Insight on the Scriptures,” enyatheliswa yi-Watchtower Bible and Tract Society of New York, Inc.)

1. Obani ‘abajabula’ lapho uNkulunkulu ‘ebeka itshe legumbi’ lomhlaba? (Jobe 38:4-7)

2. Yini engasoze yenzeke ngoMbuso kaNkulunkulu? (Daniyeli 2:44)

3. UDavide wazifanisa nani ukuze abonise uSawule ukuthi kwakungenambuyiselo ukumxosha? (1 Samuweli 24:14)

4. Ingelosi yesikhombisa yasithululela kuphi isitsha sayo sentukuthelo kaNkulunkulu? (IsAmbulo 16:17)

5. Kungani inzalo kaJakobe kuthiwa ama-Israyeli? (Genesise 32:28)

6. Iyiphi indawo enamanzi anosawoti omningi kunazo zonke emhlabeni? (Bheka uGenesise 14:3.)

7. Kungani amaKristu enxuswa ukuba athandaze “ngokuphathelene namakhosi nabo bonke labo abasesikhundleni esiphakeme”? (1 Thimothewu 2:1, 2)

8. Iyiphi inkulumo yesiJuda uJesu ayisebenzisa lapho ephulukisa indoda eyisithulu esinamalimi? (Marku 7:34)

9. UJesu wasenza kuyiphi indawo isimangaliso sakhe sokuqala? (Johane 2:11)

10. Iliphi igama eliyisifekethiso elethiwa u-Esawu? (Genesise 36:1)

11. UJesu wasebenzisa siphi isilwane emfanekisweni wakhe ukuze abonise isifiso sakhe sokubutha iJerusalema elingalaleli? (Luka 13:34)

12. Yini esetshenziselwa ukulola izinto ezenziwe ngensimbi? (IzAga 27:17)

13. Embonweni, umphostoli uJohane walibona limi kuphi iWundlu nabangu-144 000? (IsAmbulo 14:1)

14. Obani abayisa udaba oluphuthumayo lokusokwa kwabangewona amaJuda endikimbeni ebusayo eJerusalema? (IzEnzo 15:2)

15. Kwakuthiwa yini inhloko-dolobha yombuso wasenyakatho wezizwe eziyishumi zakwa-Israyeli? (1 AmaKhosi 16:29)

16. Siyini isibalo “sesilo sasendle”? (IsAmbulo 13:18)

17. Kungani inkosikazi yaseSheba yaya eJerusalema? (1 AmaKhosi 10:4)

18. Iyiphi inkosi yakwaJuda eyayikushisekela ngempela ukukhulekela okuhlanzekile kangangokuthi yasusa uninakhulu esikhundleni sakhe ebukhosini ngoba enze “isithombe esinengekayo”? (1 AmaKhosi 15:13)

19. Ingelosi yesibili yasithululela kuphi isitsha sayo sentukuthelo kaNkulunkulu? (IsAmbulo 16:3)

20. Ubani inkosi embi yakwa-Israyeli eyachitha iThifisa kabuhlungu? (2 AmaKhosi 15:16)

21. Isiphi isikhali esasivame ukuphonswa? (Joshuwa 8:18)

22. Ngemva kokuthunjwa abaseBabiloni, inyanga ka-Ethanim yaqanjwa ngaliphi igama?

Izimpendulo Zemibuzo

1. Amadodana kaNkulunkulu ayizingelosi

2. ‘Awusoze wachithwa’

3. “Intwakumba eyodwa”

4. Emoyeni

5. Ngoba uNkulunkulu washintsha igama likaJakobe laba u-Israyeli

6. ULwandle Olufile

7. “Ukuze siqhubeke siphila ukuphila okuzolile nokunokuthula”

8. Efufatha (okusho ukuthi “vuleka”)

9. EKhana

10. U-Edomi

11. Isikhukhukazi

12. Insimbi

13. ENtabeni yaseZiyoni esezulwini

14. UPawulu noBarnaba

15. ISamariya

16. Singu-666

17. Ukuze izwe ukuhlakanipha kukaSolomoni

18. U-Asa

19. Olwandle

20. UMenahemu

21. Umkhonto

22. Ngelithi Tishri